ShARAINA

Sársenbi, 17 sáýir 2013 2:15

Bostondaǵy taǵylyq áreket

AQSh-tyń Boston qalasyndaǵy marafon kezinde qosarlanǵan jarylys jasaldy. Lańkestiktiń osyndaı taǵylyq túrinen 3 adam qaza tapsa, 100-den astam adam jaralanǵan. Bul týraly arnaıy ótkizilgen baspasóz máslıhatynda Boston polısııasynyń ókili habarlady.

Sársenbi, 17 sáýir 2013 2:15

Bostondaǵy taǵylyq áreket

AQSh-tyń Boston qalasyndaǵy marafon kezinde qosarlanǵan jarylys jasaldy. Lańkestiktiń osyndaı taǵylyq túrinen 3 adam qaza tapsa, 100-den astam adam jaralanǵan. Bul týraly arnaıy ótkizilgen baspasóz máslıhatynda Boston polısııasynyń ókili habarlady.

Osy aralyqta CNN jergilikti aýrýhana­lar­dan túsken málimetterge silteme jasaı otyryp, lańkestik saldarynan kem degende 140 adamnyń zardap shekkenin jarııa etti. Olardyń 17-si ál ústinde jatsa kerek. Al jarylystar jyl saıyn ótetin, bıyl shamamen jarty mıllıonǵa jýyq adam qatysqan Boston marafonynyń qorytyndy kezeńinde arasyna 20 sekýnd úzilis salyp jasalǵan. AQSh prezıdenti Barak Obama kinálilerdi taýyp, jazalaýǵa ýáde berdi.

Oppozısııashylardyń narazylyǵy

Ulttyq saılaý komıssııasy prezıdenttik saılaýda bıleýshi partııadan kandıdat Nıkolas Madýronyń jeńisin jarııalaǵannan keıin, oppozısııadan prezıdenttik saılaýǵa túsken Enrıke Kaprılestiń myńdaǵan jaqtastary Venesýela astanasynyń kóshelerine narazylyq aksııasyna shyqty.Resmı málimetke súıensek, Madýrony saılaýshylardyń 50,75 paıyzy qoldasa, Kaprıleske 48,97 paıyzy óz daýystaryn bergen. Kaprılestiń daýys berýdiń qorytyndylaryn moıyndamaǵany belgili. Ony AQSh pen Arab memleketteriniń lıgasy qoldady. Al demonstranttar bılikti saılaý qorytyndylaryn burmalady dep aıyptady jáne daýystardy qaıta sanaýdy talap etti. Tobyrdy taratý úshin polısııa kózden jas aǵyzatyn gaz qoldanǵan.

Ońtústik Koreıaǵa ýltımatým qoıdy

KHDR-diń joǵarǵy komandovanıesi Ońtústik Koreıaǵa Phenıanǵa qarsy baǵyttalǵan jaýlyq qyzmetti toqtatýdy talap etip, ýltımatým jarııalady. Soltústik Koreıa armııasy komandovanıesiniń resmı málimdemesinde KHDR-diń búkil armııasy men halqynyń osy adam aıtqysyz qylmysqa baılanys­ty ókpeleri qara qazandaı ekeni málimdeledi.Tekst mátininen belgili bolǵanyndaı, bul jerde KHDR qylmys dep ońtústikkoreıalyq belsendilerdiń KHDR-diń negizin qalaýshy Kım Ir Senniń 101-shi týǵan kúni Seýlde sondaı-aq onyń uly Kım Chen Irdiń jáne qazirgi el basshysy Kım Chen Ynnyń portretteriniń órtelgenin eseptep otyr eken. Ýltımatým mátinine sáıkes, jańa osyndaı áreketter kórinis bergen jaǵdaıda KHDR óziniń jaýlaryn eshqandaı eskertýsiz shabýyldaıtyny atap kórsetiledi.

Qysqa qaıyryp aıtqanda:* KHDR men Ońtústik Koreıa shekarasyndaǵy Chhvorvon ýezinde amerıkalyq tikushaq apatqa ushyrady. Ol Soltústik Koreıa tarapynan atyp túsirildi degen de qaýeset bar.* Bakýden 30 shaqyrym jerdegi Sabýnchı aýdanyndaǵy Zabrat kentiniń turǵyndary ony Ázerbaıjannyń eks-prezıdenti Geıdar Alıevtiń qurmetine Geıdarabad dep ózgertýdi usynyp otyr. Osy bastamany qoldaý úshin endi qol jınalmaq.* Bishkektegi Jeńis saıabaǵynan belgisiz bireýler Qyrǵyzstan prezıdenti Almazbek Atambaev osy sáýir aıynyń basynda otyrǵyzǵan sakýra aǵashynyń óskinderin urlap ketken. Bul jerde áńgime 14 óskin týraly bolyp otyr.* Reseı Memdýmasynyń depýtattary Qylmystyq kodekske dinge senetinderdiń sezimin qorlaǵany úshin jazalaýdy qarastyratyn jańa bap engizýden bas tartýǵa sheshim qabyldady.

Qaıta qurylymdaý saldary aýyr

Kıprdegi asa iri bankterdiń salymshylary bılik qolǵa alǵan qaıta qurylymdaý saldarynan 8,3 mıllıard eýroǵa deıin joǵaltýy múmkin. Muny Eýrokomıssııanyń sońǵy baǵamdaýlaryna silteme jasaı otyryp, «Reıter» agenttigi habarlady.

Kıprdiń bank júıesi kóp jaǵdaıda sheteldik salymshylarǵa táýeldi. Sonymen bir mezgilde, qaıta qurylymdaý usaq salymshylar men aksıonerlerge de ońaıǵa soqpaıyn dep otyrǵan syńaıly. Sóıtip, iri jáne usaq salymshylardyń jıyntyq joǵaltatyn qarjysy 10,6 mıllıard eýrony quraýy yqtımal. Al, bankterde 100 myń eýrodan az aqshasy barlar eshqandaı zardap shekpeıdi.

Shaý tartqandardan qaıtarym az ba?

Ýkraınanyń Radıkaldy partııasynyń serkesi Oleg Lıashko Joǵarǵy rada depýtattary úshin eń shekteýli jas – 65 jasty engizýdi usyndy. Onyń pikirinshe, atalǵan jastan asqandar memlekettik qyzmetten bosatylýlary tıis. Osyǵan qatysty zań jobasyn Lıashko el parlamentinde tirketken.Ýkraınalyq radıkal óziniń bastamasyn jastar úshin jańa jumys oryndaryn qurý qajettigimen túsindirip otyr. Lıashko atap kórsetkendeı, Joǵarǵy radanyń kóptegen depýtattary asaryn asap, jasaryn jasaǵandar jáne boıyndaǵy barlaryn berip bolǵandar. Sondyqtan oryndaryn belsendi jáne pers­pektıvaly jastarǵa bosatyp bergenderi jón. О́ıtkeni, qazirgi kezde parlament jańasha oılaıtyn jastarǵa zárý. Al búginde Joǵarǵy radada 80 jastaǵy Efım Zvıagılskıı de qyńq etpesten otyrǵan kórinedi.

27 jyl oqshaý kún keshken

Amerıkanyń Men shtatyndaǵy Rım qalasynda polısııa 27 jyl boıy órkenıet ortasynan saıaq ómir keshken, is júzinde jan balasymen baılanysqa túspegen Krıstofer Naıtty ustady. Ol eldi mekenderge tek kúnkóris úshin, ıaǵnı turmysqa qajetti zattar men azyq-túlik urlaý úshin jasyryn túrde ǵana baryp turǵan.Polısııa 47 jastaǵy Naıttyń 1000-nan astam osyndaı qylmystarǵa qatysy bolýy yqtımal dep kúdik keltirip otyr. Ol saıaq ómir keshý úshin ormanǵa 1986 jyly birjolata ketken. Biraq muny ne úshin jasaǵanyn túsindirip bere almaıdy. Onyń málimdeýinshe, jeke-dara bolǵysy kelipti. Naıt, bir qaraǵanda, ormanda jalǵyz ómir súretin jabaıyǵa esh uqsamaıdy eken. Ustalǵan kezde ájeptáýir kıimi, eski úlgidegi kózildirigi bolypty.Aqparat agenttikteri materıaldarynyńnegizinde ázirlendi.