Seısenbi, 14 mamyr 2013 1:47
Reıhanlydaǵy jarylysqa kim kináli?
Túrkııa ókimeti Sırııamen shekarada 46 adamnyń qaza tabýyna aparyp soqtyrǵan Reıhanly qalasyndaǵy jarylysty uıymdastyrdy degen kúdiktilerdi ustady. О́tken senbi kúni Túrkııa ishki ister mınıstrligi qylmysqa kórshi Sırııa kináli dep ataǵan bolatyn. Biraq 12 mamyr kúni terrorshylardyń túrikter ekeni anyqtalǵan.
Seısenbi, 14 mamyr 2013 1:47
Reıhanlydaǵy jarylysqa kim kináli?
Túrkııa ókimeti Sırııamen shekarada 46 adamnyń qaza tabýyna aparyp soqtyrǵan Reıhanly qalasyndaǵy jarylysty uıymdastyrdy degen kúdiktilerdi ustady. О́tken senbi kúni Túrkııa ishki ister mınıstrligi qylmysqa kórshi Sırııa kináli dep ataǵan bolatyn. Biraq 12 mamyr kúni terrorshylardyń túrikter ekeni anyqtalǵan.
Osyǵan baılanysty Damask Ankarany shekaradaǵy jaǵdaıǵa baqylaý jasamaıdy dep aıyptap otyr. Sırııa aýmaǵyna Izraıl áýe soqqylaryn jasaǵannan keıin óńirdegi ahýal burynǵydan beter shıelenise tústi. «Hezbolla» uıymy bolsa Tel-Avıvtiń áreketi Izraıl okkýpasııalaǵan aýmaqtaǵy kúresti jandandyrýǵa taptyrmas sebep dep túsinip otyr. Aıta ketý kerek, Reıhanlydaǵy jarylys 11 mamyr kúni oryn alǵan bolatyn. Sonyń saldarynan 46 adam qaza taýyp, 120 adam túrli dene jaraqattaryn aldy.
Bolgarııa burynǵy tańdaýynda qaldy
Eldiń eks-premeri Boıko Borısov basqaratyn «Azamattar Bolgarııanyń eýropalyq damýy úshin» ońshyl sentrıstik partııasy merziminen buryn ótken parlament saılaýynda basym daýysqa ıe boldy. Bul aqparat aldyn-ala alynǵan resmı málimetter negizinde taratylyp otyr.
Ústimizdegi jyldyń naýryzynda TKSh qyzmeti baǵasynyń ósýine baılanysty oryn alǵan jappaı narazylyqtar saldarynan otstavkaǵa ketýge májbúr bolǵan eks-premerdiń jeńisi bolgar astanasynda jańa narazylyq aksııalaryn týyndatty. Ulttyq mádenıet saraıy aldynda oppozısııa belsendileri men polısııa arasynda qaqtyǵystar oryn alǵan. Júzdegen narazylyq bildirýshiler quqyq qorǵaý organdary ókilderine tas laqtyrsa, polısııa óz kezeginde jınalǵan topty rezeńke toqpaqpen uryp taratpaq bolǵan.
Birlesken jattyǵýlar ótkizýde
AQSh pen Ońtústik Koreıa 13 mamyr kúni Ońtústik Koreıa jaǵalaýlarynda birlesken áskerı-teńiz jattyǵýlaryn bastady. Bul týraly jergilikti baspasózge silteme jasaı otyryp, VVS agenttigi habarlaǵan.
Eki kúnge sozylatyn jattyǵýlarǵa amerıkalyq «Nımıs» atomdy avıatasyǵyshy bastaǵan soqqy berýshi top qatysatyn bolady. Bul toptyń quramyna sonymen birge eki zymyrandyq esmınes pen zymyrandyq kreıser kirmek. О́tken aptada Soltústik Koreıa ókimeti KHDR-ǵa qarsy baǵyttalǵan ashyq qoqan-loqy jáne arandatý dep ataı otyryp, jattyǵýlar ótkizýge qarsylyq bildirgen bolatyn. Onda «amerıkalyq jáne ońtústikkoreıalyq jaýlarynyń ıadrolyq soǵys belsendiligine baılanysty Koreıa túbegindegi ıadrolyq soǵys táýekeli burynǵydan beter óse tústi», dep atap kórsetilgen.
Iran Sırııa jónindegi konferensııaǵa qatysýǵa daıyn
Iran syrtqy ister mınıstri Alı Akbar Salehı Reseı men AQSh usynǵan ıdeıa boıynsha ótkiziletin Sırııa jónindegi halyqaralyq konferensııaǵa óz eliniń qatysýǵa daıyn ekenin málimdedi.
Nemistiń Der Spiegel gazetine bergen suhbatyna Salehı Irannyń áli kúnge deıin konferensııaǵa shaqyrtý almaǵanyn, degenmen óz eliniń oǵan qatysýǵa daıyn ekenin aıtqan. Onyń málimdeýinshe, Iran taraby úkimet pen Sırııa oppozısııasy arasyndaǵy kelissózderdiń bastalýyna yqpal ete alar edi. Sondaı-aq Salehı Irannyń kez kelgen taraptyń jappaı qyryp-joıatyn qarý paıdalanýyna prınsıpti túrde qarsy ekenin de jetkizgen.
Mınıstrdiń orynbasary qamaýǵa alyndy
Grýzııa ishki ister mınıstriniń birinshi orynbasary Gela Hvedelıdzeni 12 mamyr kúni IIM bas ınspeksııasynyń qyzmetkerleri tutqynǵa alǵan. Mınıstrlik baspasóz qyzmetiniń aqparatynsha oǵan Grýzııa qylmystyq kodeksiniń 157-baby, 2-bóliginde qarastyrylǵan qylmys boıynsha aıyp taǵylyp otyr.
Tergeý Gela Hvedelıdzeniń jýrnalıst Georgıı Paresashvılıdiń jeke ómiri týraly beınematerıaldy ınternette zańsyz taratqanyn anyqtaǵan. Ishki ister mınıstri Iraklıı Garıbashvılıdiń aıtýynsha, Gela Hvedelıdze óz kinásin moıyndaǵan kórinedi. Al beınekadrlardy taratýǵa kelsek, ol BAQ-tarda IIM men onyń jeke ózine qatysty jala jabý naýqany bastalǵannan keıin ol osyndaı qadamǵa barǵan. «Birtutas ulttyq qozǵalys» ókilderi Hvedelıdze tutqyndalǵannan keıin ózge de adamdarǵa qatysty tergeý áreketteri jalǵasatyn bolady dep kútýde.
KHDR-da qorǵanys mınıstri aýysty
General-polkovnık Chan Chon Nam Soltústik Koreıa halyq qarýly kúshteriniń jańa mınıstri bolyp taǵaıyndaldy. Ol osy mindetti segiz aıǵa jýyq atqarǵan general Kım Kek Sıkti almastyrdy. Burynǵy mınıstrdiń nelikten otstavkaǵa ketkeni ázirge belgisiz.
Kım Kek Sık qorǵanys mınıstri laýazymyna ótken jyldyń qazan aıynda taǵaıyndalǵan bolatyn. Sheteldik baqylaýshylardyń pikirinshe, otstavkaǵa ketken mınıstr áskerı basshylyqta qatań tártip ustanýshylardyń biri bolǵan. Keıbir tujyrymdar boıynsha KHDR basshysy áskerı basshylyqty jasartý maqsatynda osyndaı qadamǵa baryp otyr. О́ıtkeni, Kım Kek Sıktiń jasy 75-te bolsa, onyń ornyna kelgen mınıstr 50-de.
Kennedıdi óltirgen kim?
Amerıka Qurama Shtattarynyń prezıdenti Rıchard Nıksonnyń burynǵy kómekshisi Rodjer Stoýn óziniń jańa kitabynda Djon F.Kennedıdi qatygezdikpen kópshilik aldynda óltirýge buıryq bergen adamnyń esimin ataǵan.
Rodjer Stoýnnyń aıtýynsha, prezıdent Kennedıdiń ajalyna onyń Dallas aýmaǵy boıynsha qozǵalý baǵytyn tikeleı ózi bekitken Lındon B.Djonson kináli. Onyń ústine Djonson Kennedıdi óltirdi dep tanylǵan Lı Harvı Osvaldtiń ajal qushýyna sebepker bolǵan Djek Rýbımen de baılanysta bolǵan kórinedi. Rodjer Stoýnnyń Kennedı óliminiń qupııasyn ashqan kitaby ústimizdegi jyldyń qazan aıynda saýdaǵa túsetin bolady.
Internet materıaldary negizinde ázirlendi.