Sársenbi, 15 mamyr 2013 1:21
Iran munaıynan bas tartýǵa shaqyrdy
AQSh kongressmenderiniń bir toby Irannan munaı alýǵa jahandyq embargo engizýdi talap etti. Osylaısha saıasatkerler Iran bıliginen atom baǵdarlamasyn júzege asyrý máselesinde belgili bir deńgeıde shekteýge qol jetkizemiz dep esepteıdi. Bul týraly senattyń halyqaralyq ister jónindegi komıtetiniń tóraǵasy demokrat Robert Menendes jarııa etti.
Sársenbi, 15 mamyr 2013 1:21
Iran munaıynan bas tartýǵa shaqyrdy
AQSh kongressmenderiniń bir toby Irannan munaı alýǵa jahandyq embargo engizýdi talap etti. Osylaısha saıasatkerler Iran bıliginen atom baǵdarlamasyn júzege asyrý máselesinde belgili bir deńgeıde shekteýge qol jetkizemiz dep esepteıdi. Bul týraly senattyń halyqaralyq ister jónindegi komıtetiniń tóraǵasy demokrat Robert Menendes jarııa etti.
Jalpyǵa ortaq embargony jaqtaýshylardyń pikirlerinshe, álemdik rynoktaǵy kómirsýteginiń yqtımal jetispeýshiliginiń ornyn Taıaý Shyǵys jáne Soltústik Amerıka elderinde munaı óndirýdi arttyrý esebinen tolyqtyrýǵa bolady. Alaıda prezıdent ákimshiligindegi birqatar sheneýnikter men sarapshylar kongressmenderdiń usynysyn synǵa aldy. О́ıtkeni, deıdi olar, Iran munaıynan bas tartý álemdik rynoktaǵy teńsizdikke jáne munaı baǵasynyń ósýine uryndyrady.
Qurt-qumyrsqa, baqa-shaıan juǵymdy tamaq
Jer turǵyndaryna tamaqtaryna qurt-qumyrsqany kóbirek qosý kerek. Bul azyq-túlik jetispeýshiliginiń ornyn toltyrýdaǵy yqtımal qıyndyqtardy jeńildetýge septesedi jáne ashtyqtyń aldyn alady. Mundaı pikirdi BUU-nyń Azyq-túlik jáne aýyl sharýashylyǵy jónindegi uıymy bildirdi.
Muny Nıderlandydaǵy Vagenıng ýnıversıteti de qoldap otyr. Qurt-qumyrsqa men baqa-shaıandy barynsha kóbirek tutynyńdar. О́ıtkeni, olar orasan kóp jáne proteınder men mıneraldardyń baı kózi bolyp tabylady, dep málimdegen baıandamanyń tusaýkeserinde BUU ókili Eva Ýrsýla Mıýller hanym. Onyń sózine qaraǵanda, qurt-qumyrsqalar asa juǵymdy tamaq bolǵandyqtan, ony Jer shary turǵyndarynyń úshten biri tutynady.
Úsh grýzın áskerıi qaza tapty
Aýǵanstanda ornalasqan Grýzııanyń áskerı kontıngentinde kezekti ret adam ólimi oryn aldy. Qarýly jasaqtyń áskerı bazaǵa shabýyly saldarynan úsh grýzııalyq áskerı qaza taýyp, birnesheýi jaralandy. Al shabýyldy avtokólikti paıdalanǵan jankeshti júzege asyrǵan.
Bul týraly Grýzııanyń qorǵanys mınıstri Iraklıı Alasanııa ótkizgen brıfıngte aıtyldy. Onyń sózine qaraǵanda, grýzııalyq áskerıler shabýyldyń betin qaıtara alǵan. Sóıtip, jaǵdaı olardyń baqylaýynda kórinedi. Mınıstr qaza tapqandardyń otbasyna kóńil aıtty. Oqıǵaǵa oraı Grýzııa prezıdenti men premer-mınıstri de kóńil bildirgen. Grýzııanyń áskerı kontıngenti Aýǵanstanda 2009 jyldan beri qyzmet atqaryp keledi. Olardyń sany shamamen 1,5 myń adam.
200 jolaýshysy bar qaıyqtar sýǵa batty
Mıanmada 200 jolaýshysy bar qaıyqtar sýǵa batyp ketken. Oqıǵa saldarynan kem degende 50 adam kóz jumǵan. Kóptegen jolaýshylar joǵalyp ketkender qataryn toltyryp otyrsa kerek. Alaıda, el bıliginiń qolynda naqty derekter joq sekildi.
Bangkoktegi BUU qyzmetkeri Kırsten Mıldrenniń málimetinshe, adamdar 3 qaıyqqa bólinip minipti. Motory bar úlkeni aǵashtan jasalǵan kishirek ekeýin súırep kele jatqan eken. Aldyńǵy qaıyq Rakhaın shtatyndaǵy Paýktav qalasy mańynda shatqalǵa soǵylǵan sııaqty. Adamdar sý tasqynynan qutylmaq nıetpen qaıyqqa minse kerek. Qazirgi kezde tabıǵat apatynan qashqan 140 myń adam qaýipsiz jerlerge ornalasyp úlgeripti.
Vermont shtaty evtanazııaǵa ruqsat berdi
AQSh-tyń Vermont shtatynyń zań shyǵarýshylary evtanazııa týraly zań jobasyn maquldady. Shtat kongresi ókilder palatasynyń 75 múshesi zań jobasyn qoldap daýys berse, 65-i qarsylyq bildirgen. Budan buryn osyǵan uqsas zań jobasyn Vermonttyń senaty maquldaǵan edi.
Endi jaqynda evtanazııa týraly zańǵa shtat gýbernatory Pıter Shamlın qol qoıady dep kútilýde. Osydan keıin Vermont AQSh-ta evtanazııa ruqsat etilgen tórtinshi shtat bolady. Oregon 1997 jyly evtanazııa ruqsat etilgen alǵashqy shtat edi. Keıin oǵan Vashıngton men Montana qosylǵan-tyn. Jalpy, evtanazııa jarty jyldan az ǵumyry qalǵan pasıentke nemese aqyl-esi durys emes syrqat óz erkimen ómirden ozǵysy kelgen jaǵdaıda qoldanylady.
Iаnýkovıchti masqaralaǵanǵa – aıyppul
Ýkraınanyń Nıkolaev qalasynyń turǵyny Anatolıı Ilchenkoǵa Kıevtegi Altyn qaqpa mańynda moınyna «Iаnýkovıch eshki» degen plakat taǵyp alyp qydyrystap júrgeni úshin aıyppul salyndy. Aıyppul somasy 51 grıvnany (6 dollar shamasynda) quraǵan kórinedi.
Bul aıyppul somasy qylmystyq kodekstiń «usaq buzaqylyq» baby boıynsha jaýapkershilikke sáıkes keledi eken. Al jergilikti buqaralyq aqparat quraldarynyń derekterinshe, moınyna plakat ilgen zeınetkermen sýretke túsýge sheteldik týrıster kóp qyzyǵýshylyq tanytqanǵa uqsaıdy. Onyń áreketi sondaı-aq ondaǵan mılısıonerdiń nazaryn aýdarǵan. Biraq olar zeınetkerdi ustamaǵan jón dep sheshken. Biraq keıinirek ákimshilik hattama toltyrýǵa májbúr bolǵan.
Maııa pıramıdasyn qıratyp tastady
Belızde qurylys kezinde maııa pıramıdalarynyń ishindegi eń úlkeni ishinara buzylǵan. Belızdegi arheologııa ınstıtýtynyń basshysy Haıme Aveniń sózine qaraǵanda, pıramıda ótken aptada buzylsa, buqaralyq aqparat quraldaryna endi ǵana málim bolyp otyr.
Qurylys kompanııasy pıramıdany jol salý úshin ekskavatorlardy jáne býldozerlerdi qoldanǵan kezde buzǵan. Haıme Aveniń atap kórsetýinshe, qurylysshylar kóne eskertkishti tabıǵı landshaftpen esh shatastyryp alýy múmkin emes edi. Qazirgi kezde Belız polısııasy tekserý jumystaryna kirisip ketken. Polısııanyń qylmystyq is qozǵaýy da ǵajap emes kórinedi. О́ıtkeni, ishinara qıraǵan pıramıda jasy 2,3 myń jyldy quraıtyn kóne eskertkish bolyp tabylady.
Internet materıaldary negizinde ázirlendi.