Juma, 15 aqpan 2013 7:09
Ońtústik Qazaqstan oblysy boıynsha qarjy polısııasy departamentiniń qyzmetkerleri «Qumkól-Pavlodar-Shymkent» munaı qubyrlary arqyly munaıdy urlaǵan qylmystyq topty quryqtady. Olar Ońtústik Qazaqstan jáne Jambyl oblystarynyń aımaǵynda urlanǵan munaıdy tasymaldaýmen aınalysqan.
Juma, 15 aqpan 2013 7:09
Ońtústik Qazaqstan oblysy boıynsha qarjy polısııasy departamentiniń qyzmetkerleri «Qumkól-Pavlodar-Shymkent» munaı qubyrlary arqyly munaıdy urlaǵan qylmystyq topty quryqtady. Olar Ońtústik Qazaqstan jáne Jambyl oblystarynyń aımaǵynda urlanǵan munaıdy tasymaldaýmen aınalysqan. Urynyń alystan kelmeıtini belgili. Oblystyq qarjy polısııasy departamenti baspasóz qyzmetiniń málimetine qaraǵanda, «SEMSER Security», «Kúzet agenttigi» JShS-nyń dırektory N.Moltaevtyń qyzmet ókilettigin paıdalanyp, birneshe tulǵalardan turatyn qylmystyq toppen baılanysyp jáne olardyń uzaq ýaqyt boıy «Qumkól-Pavlodar-Shymkent» qubyrlarynan munaı urlaýyna qamqorshy bolǵan, qyzmeti úshin iri mólsherde aqshalaı syıaqy alyp otyrǵany anyqtaldy.
Odan bólek, 9 adamnan turatyn qylmystyq top jáne onyń uıymdastyrýshysy B.Naqylbekov ustaldy. Ol da shıki munaıdy urlaý maqsatymen qylmystyq top quryp, munaı qubyrlaryna zańsyz qosylý arqyly Ońtústik Qazaqstan jáne Jambyl oblystarynyń aımaǵynda urlanǵan munaıdy tasymaldaýmen aınalysqan.
Olardan urlanǵan munaıdy «Batys Eýropa-Batys Qytaı» avtodálizinde qurylys júrgizetin asfaltbeton zaýyttary satyp alyp otyrypty. Qylmystyq topqa qamqorshylyq kórsetkeni úshin N.Moltaevqa jalpy somasy 900 myń teńge kóleminde aqsha berilgeni birneshe ret tirkelip, onyń turǵyn úıine tekserý jumystaryn júrgizý barysynda atalǵan somanyń 300 myń teńgesi tabylǵan.
Jalpy, qylmystyq toppen asa iri mólsherde, ıaǵnı 11,0 mln. teńgeni quraıtyn 400 tonna munaı urlanǵan. Atalǵan derek boıynsha QK-niń 175-baby 4-bóliginiń «b» tarmaǵymen (urlyq) qylmystyq is qozǵaldy. Qazirgi tańda barlyq aıyptylar sot sanksııasymen qamaýǵa alyndy.
Sondaı-aq, 26 qańtarda «Bereke» JShS-nyń bólim bastyǵy, «Shymkentdorstroı» О́K-niń dırektory jáne «Túlkibas joldary» JShS-nyń asfalt zaýytynyń bastyǵyna qatysty munaıdyń jáne munaı ónimderiniń shyǵarylýynyń zańdylyǵyn rastaıtyn qujattarsyz olardy tasymaldaý, ıelený, ótkizý, saqtaý, sondaı-aq munaıdy óńdeý jáne zańsyz jolmen alynǵan aqsha qarajatyn nemese ózge múlikti zańdastyrý derekteri boıynsha qylmystyq ister qozǵaldy.
Oralhan DÁÝIT,
«Egemen Qazaqstan».
Ońtústik Qazaqstan oblysy.