Qaýipten qaımyqpaıyq

Sársenbi, 27 aqpan 2013 7:25

Elbasymyz Nursultan Nazarbaev Qa­zaqstan halqyna arnaǵan «Qazaq­stan-2050» Strategııasy – qalyptasqan memlekettiń jańa saıası baǵyty» Joldaýynda: «Jem­qorlyq – jaı quqyq buzý­­shylyq emes. Ol memlekettiń tıim­dili­gine degen senimdi seti­netedi jáne ulttyq qaýipsizdikke tón­gen tikeleı qater bolyp tabylady», – dep atap ótken edi. Qazirgi tańda jemqorlyq qoǵamnyń eń qaýipti dertine aınalyp otyr. Elbasymyz osy jaı­larǵa erekshe mán berip, qoǵamda jem­­qorlyqty qubylys retinde joıý qa­jet ekenin basa aıtyp ótti. Sybaılas jemqorlyqqa qarsy kúres tek qana qu­qyq qorǵaý organdarynyń jumysy emes, búkil qoǵam bolyp osy dertti joıý úshin belsendilik tanytýymyz qajet.

Sársenbi, 27 aqpan 2013 7:25

Elbasymyz Nursultan Nazarbaev Qa­zaqstan halqyna arnaǵan «Qazaq­stan-2050» Strategııasy – qalyptasqan memlekettiń jańa saıası baǵyty» Joldaýynda: «Jem­qorlyq – jaı quqyq buzý­­shylyq emes. Ol memlekettiń tıim­dili­gine degen senimdi seti­netedi jáne ulttyq qaýipsizdikke tón­gen tikeleı qater bolyp tabylady», – dep atap ótken edi. Qazirgi tańda jemqorlyq qoǵamnyń eń qaýipti dertine aınalyp otyr. Elbasymyz osy jaı­larǵa erekshe mán berip, qoǵamda jem­­qorlyqty qubylys retinde joıý qa­jet ekenin basa aıtyp ótti. Sybaılas jemqorlyqqa qarsy kúres tek qana qu­qyq qorǵaý organdarynyń jumysy emes, búkil qoǵam bolyp osy dertti joıý úshin belsendilik tanytýymyz qajet.

Mysaly, álemdegi damyǵan elderdiń biri – Sıngapýrdyń kóshbasshysy Lı Kýan Iýdan bir jýrnalıst «paraqorlyq pen sybaılastyqty qalaı jeńdińiz?» degende ol: «Tártip ornatýdy aldymen jaqyn­da­ryńyzdan bastańyz. Eń jaqyn adam­da­ry­ńyzdyń bir-ekeýin jemqorlyǵy úshin túrmege otyrǵyzsańyz, sonda onyń bári ornyna keledi», dep jaýap bergen eken. Eli­­­mizdiń Konstıtýsııasyna negizdelgen zań­darymyz óz deńgeıinde jumys jasap tursa, zańdylyq prınsıpteri saqtalyp, azamat­tardyń quqyqtyq saýattylyǵy artyp jáne saıası sanalylyǵy qalyp­tasyp, damyǵan jaǵdaıda osy qaýipti dert quryqtalar edi. Bizdiń oıymyzsha, osy qaǵıdany elimizdegi ártúrli deńgeı­degi adamdar túsinip, oıyna ustansa, sybaılas jemqorlyqqa barmaı, qazy­nanyń múlkine qol salmas edi.

Sybaılas jemqorlyq bizdiń elde bolyp jatqan qubylys qana emes, álemniń damyǵan elderinde de kórinis berýde.

Sybaılas jemqorlyq el ekonomı­ka­sy­nyń kóterilýine úlken kedergi keltirip otyrǵan. Sonymen qatar, eń basty qaýip-qater de osy tustan ańǵarylady. Ja­qynda Ekonomıkalyq jáne sybaılas jem­qorlyqqa qarsy kúres agenttiginiń tór­aǵasy Rashıd Túsipbekov sybaılas jemqor­lyqtyń aldyn alý, onyń damý sebepterin anyqtaý jáne onyń órshýine jaǵdaı týǵyz­baý kerektigin atap kórset­ti. Sondyqtan ony boldyrmaý, aldyn alý maqsatynda Qyzylorda oblysynyń qarjy polısııasy departamentiniń  qyz­metkerleri óz qyzmet­tik mindetterin adal atqaryp júrgendigin atap aıtqymyz ke­ledi. Aqparat kózderinen bilgenimizdeı, ótken jyly departament qyzmetkerleri barlyǵy 433 qylmysty anyqtaǵan. Onyń ishinde ekonomıkalyq qyzmet salasynda 341 qylmys tirkelgen, sybaılas jemqorlyq sanatynda 86 qyl­mystyq is qozǵaǵan. Bul – bir jyldyń aıasyndaǵy at­qarylǵan  jumys.

2012 jyldyń 23 tamyzynda Úki­mettiń qaýlysymen sybaılas jemqorlyq quqyq buzýshylyq faktisi týraly ha­barlaǵan nemese sybaılas jemqorlyqqa qarsy kúreste ózge de jolmen jár­dem­desken adamdardy kótermeleý qaǵıda­la­ry bekitildi. Sondyqtan, sybaılas jem­qorlyqty boldyrmaýmen aldyn alýdyń taǵy bir joly azamattardyń ishki máde­nıetin qalyptastyrý jáne damytý, ıaǵnı árbir azamattyń qoǵam aldyndaǵy ult­jandylyq qasıetin, adamgershilik, ar-oj­dandyq uǵymdaryn, ımandylyq nuryn júregine uıalatý bolyp tabylady. Sonda ǵana biz qoǵamdaǵy qaýipti dert – jem­qorlyqty búkil halyq bolyp jeńe alamyz. Atap ótkenimiz jón, quqyq qorǵaý organdary, sonyń ishinde qarjy polı­sııa­sy qyzmetkerleri ózderiniń qyz­met­terin adal atqaryp keledi.

Halyq arasynda qarjy polısııasyna degen ońtaıly kózqaras qalyptasqany jasyryn emes. Mysaly, Qyzylorda ob­lystyq qarjy polısııasynyń «senim telefonyna» túsken 18 habarlama boıynsha 3 derek tolyq dálelin taýyp, qyl­mystyq is qozǵalǵan. Muny azamattar­dyń sanaly túrde qoǵamnyń qaýipti derti – sybaılas jemqorlyqqa jol bermeý úshin ózindik kózqarasynyń qalyptasqan­dyǵynyń, olar­dyń sana-seziminiń ózger­gendiginiń aıǵaǵy dep sanaımyz. Sonymen qatar, jemqorlyqtyń aldyn alý, bol­dyrmaý já­ne kúresý úshin qoǵamda jarııaly­lyqtyń, demokratııalyq úderis­terdiń jandana túsýi kún tártibinen tús­peýi qajet. Sonda ǵana biz halyq bolyp, el bolyp qoǵam­daǵy qaýipti dert – sybaılas jemqorlyq­t­yń aldyn alyp, joıa alamyz.

Murat TILEÝLIEV,

«Dorstroı» JShS-niń dırektory.

QYZYLORDA.