Arys qalasyndaǵy jarylystan zardap shekken 100-den asa bala Jambyl oblysy Jambyl aýdany Jasórken aýylynda ornalasqan «Bolashaq» jáne Jýaly aýdanyndaǵy «Taý samaly» saýyqtyrý lagerlerine attandy. Bul jóninde oblys ákiminiń baspasóz qyzmeti xabarlady.
Jambyl oblysy bilim basqarmasynyń uıymdastyrýymen qolǵa alynǵan ıgilikti shara barysynda jambyldyqtar balalardy jas erekshelikterine qaraı qajetti kıim-keshekpen qamtamasyz etpek. Jetkinshekterdiń qaýipsizdigine oblystyń ár aýdanynan kelgen jetekshi mamandar jaýap beretin bolady.
«Baýyr etimiz - balalarymyzdyń jaǵdaıyna alańdaýshylyq bildirgen barsha halyqqa alǵystan basqa aıtarymyz joq», - deıdi arystyq ata-analar.
Kórshi oblystaǵylar balalardy jazǵy demalyspen qamtý sharalaryn aldaǵy kúnderi de jalǵastyratyndyǵyn jetkizse, ózge de Arystyń balalary úshin jazǵy demalystarǵa jiberý jumystary jalǵasatyn bolady.