Sársenbi, 17 sáýir 2013 2:19
Qyzylorda oblysy, Shıeli aýdandyq ishki ister bólimi krımınaldyq polısııa bólimshesiniń eki aǵa ýákiline izdeý jarııalandy. Quqyq qorǵaý organdarynyń qursaýynan qashyp, boı tasalap júrgen bul ekeýge ýaqytsha ustaý ızolıatoryna qamalǵan adamdy uryp-soqty degen aıyp taǵyldy.
Sársenbi, 17 sáýir 2013 2:19
Qyzylorda oblysy, Shıeli aýdandyq ishki ister bólimi krımınaldyq polısııa bólimshesiniń eki aǵa ýákiline izdeý jarııalandy. Quqyq qorǵaý organdarynyń qursaýynan qashyp, boı tasalap júrgen bul ekeýge ýaqytsha ustaý ızolıatoryna qamalǵan adamdy uryp-soqty degen aıyp taǵyldy.
Oqıǵanyń kirispesi mynadaı. Shıeli aýdandyq ishki ister bólimi krımınaldyq polısııa bólimshesiniń aǵa ýákilderi S.Pirmanov pen E.Tóleshev Qylmystyq kodekstiń 175-baby 2-bóliginiń a, v tarmaqtary boıynsha ústinen qylmystyq is qozǵalyp, kúdikti retinde ustalǵan A.Dúısenbaevty uryp-soqqan. Kúdikti sosyn polıseılerdiń aýyr soqqylaryn kótere almaı, shuǵyl aýrýhanaǵa jatqyzylǵan. Sol jerde oǵan «ashy ishegi jyrtylyp, 3-dárejeli gemorrologııalyq shok alǵan» degen dıagnoz qoıylyp, jedel túrde ota jasalǵan.Artynsha iske aýdandyq prokýratýra qyzmetkerleri aralasyp, aldyn ala júrgizgen tergeý aldy tekserýleri nátıjesinde eki aǵa ýákildiń kúdiktige aýdan kólemindegi ashylmaǵan basqa da qylmystardy moıyndatpaq bolyp qınaǵandary anyqtalady. Osyǵan oraı, atalmysh oqıǵa negizinde QK-niń 141-1 baby 3-bóligimen qylmystyq is qozǵaldy.Qazirgi tańda bul is boıynsha tergeý jumystaryn oblystyq prokýratýranyń arnaıy prokýrorlar basqarmasy júrgizýde. Is boıynsha júrgizilgen tergeý amaldary men jınaqtalǵan dáleldemelerdiń jetkiliktigi eskerilip, Shıeli AIIB krımınaldy polısııa bólimshesiniń aǵa jedel ýákilderi S.Pirmanov pen E.Tóleshevke tıisti aıyptar taǵyldy. Biraq sońynan eki polısııa qyzmetkeriniń qashyp ketkeni belgili boldy. Osyǵan baılanysty izdeý jarııalandy. Qazir sol baǵytta jedel-izdestirý sharalary júrgizilýde.Erjan BAITILES,«Egemen Qazaqstan».Qyzylorda oblysy,Shıeli aýdany.