Sársenbi, 24 sáýir 2013 1:43
Reseı bıznesmenderi BTA Bankten M.Ábilázov úshin 70 mln. dollar kóleminde aqsha áketken.
Jaqynda Reseı Ishki ister mınıstrliginiń tergeý departamenti «Delo» lızıngilik kompanııasy ıeleriniń biri Dmıtrıı Pak pen kásiporynnyń bas dırektory Oleg Sarevke qatysty tergeýdi shegine jetkizdi. Máskeýdiń «Kommersant» gazetiniń jazýyna qaraǵanda, osy tergeýdiń arqasynda bul ekeýdiń aıryqsha iri kólemde alaıaqtyq jasap, memlekettiń aqshasyn talan-tarajǵa salǵandary aqı-taqı aıǵaqtalǵan kórinedi.
Sársenbi, 24 sáýir 2013 1:43
Reseı bıznesmenderi BTA Bankten M.Ábilázov úshin 70 mln. dollar kóleminde aqsha áketken.
Jaqynda Reseı Ishki ister mınıstrliginiń tergeý departamenti «Delo» lızıngilik kompanııasy ıeleriniń biri Dmıtrıı Pak pen kásiporynnyń bas dırektory Oleg Sarevke qatysty tergeýdi shegine jetkizdi. Máskeýdiń «Kommersant» gazetiniń jazýyna qaraǵanda, osy tergeýdiń arqasynda bul ekeýdiń aıryqsha iri kólemde alaıaqtyq jasap, memlekettiń aqshasyn talan-tarajǵa salǵandary aqı-taqı aıǵaqtalǵan kórinedi. Bul tandem ózara tize qosa jumys jasaı otyryp, qaǵazdaǵy qanshama qarjyny qolma-qol aqshaǵa da aınaldyryp úlgeripti. Tek berekesiz tirlikke osy bilekterin túrip, belsene kirisken osy ekeýdiń kúsh salýymen ǵana BTA Bank lızıngilik kompanııaǵa ózi bergen 70,3 mıllıon dollar men 16 mıllıon rýbl (506,8 myń dollar) nesıeni talap etý quqyǵynan aıyrylyp qalady.
Bir qyzyǵy, qazir qýǵynda júrgen qazaqstandyq bankır Muhtar Ábilázovtiń burynnan aýyz jalasqan aǵaıyny bolyp tabylatyn Dmıtrıı Pak pen onyń qolbalasy Oleg Sarev aqshany alyp ketýdiń barlyq tásilderi men aıla-amaldaryn osy áýezesi joǵary áriptesinen kúndelikti sabaq alý arqyly júzege asyrǵanǵa uqsaıdy. Tergeýdiń bir boljamy boıynsha, 2009 jyly sol kezdegi jeke menshiktegi BTA Banktiń áli ıesi bolyp tabylatyn Ábilázov qyzmetkerlerge óziniń baqylaýyndaǵy kompanııanyń meılinshe qundy aktıvterin bólip shyǵarýdy tapsyrady. Sonda bulardyń arasynda Reseıdiń «Delo» kompanııasynyń ondaǵan mıllıon dollar kredıti de sýdyń betine qalqyp shyǵa keledi. Sol aralyqta atalmysh lızıngilik ujym BTA Bankten jalpy quny 70 mıllıon dollardan asatyn uzyn sany 70 kredıt alyp úlgergen eken.
Budan ári qazaqstandyq bankırdiń tikeleı tapsyrmasy boıynsha «alty jalǵan kelisim daıyndalady». Onyń máni «Delonyń» osy qaryzdarynyń bárin jabý syrttaǵy basqa uıymdarǵa ótkiziledi. Buǵan qosa, banktiń zaımshynyń atyna bul operasııany maquldaǵan kepildemesi de jiberiledi. Aspandaǵy aqshanyń aýaǵa ushyp, býǵa aınalyp, joq bolyp ketýine quralǵan bul syzbany budan da ári shatastyra, kúrdelendire túsý úshin ony oılap tabýshylar (negizinen M.Ábilázov dep túsinińiz – R.I.) qaryzdy bir-birine kezekpe-kezek jolmen ótkiziletin júıesin jasap, birneshe ofshorlyq kompanııany qatarǵa tartady. Nátıjesinde kredıtter boıynsha barlyq tólemderdi alatyn Rıgadaǵy «Baltıkýms» banki osy maqsatta arnaıy shotyn ashyp bergen Kıprdiń «Kımos» atty kompanııasy bolyp shyǵady.
Biraq bul qýlyqtyń quıryǵy bir-aq tutam edi. Sol 2009 jyldyń ózinde-aq Reseı bankiniń jańa basshylyǵy BTA-dan aqsha urlanǵany jóninde, sonyń ishinde «Delo» jaýapkershiligi shekteýli qoǵamyna qatysty da talaptar boldy, arnaıy másele kóterdi. Osynyń negizinde bul másele tóńireginde birneshe qylmystyq is qozǵaldy. Sol boıda manaǵy Dmıtrıı Pak qamaýǵa alyndy. Biraq kepildigin tólegennen keıin tutqynnan bosatyldy. Al Oleg Sarev 2012 jyly ustaldy. Qazir ol úı qamaqta otyr. Al tergeý nátıjeleri osydan birer kún ǵana buryn aıyptaý qorytyndysyn bekitý úshin prokýratýraǵa ótkizilipti. Bul tusta Pak óziniń aıybyn moıyndaı qoımapty. Munyń esesine jandaıshaby biraz nárseni moınyna alǵan sııaqty.
Bul is bir jaǵynan aırandy bireýdiń iship, shelekti ekinshi bireýlerdiń jalaǵanyna uqsaıdy. Bireýlerdiń qolymen osylaı ot kósep, qymqyrylǵan aqshanyń basym bóligin qaltasyna basyp ketken Muhtar Ábilázovtiń bul tirligi onyń jeke basynyń múddesi úshin eshkimdi de aıamaıtynyn taǵy da baıqatyp beredi.
Qazaqta «Eki qý namazdyger men namazshamda jolyǵady» degen sóz bar. Teginde, bulardyń mıllıonnyń ishinen birin-biri taýyp alyp júrgenderi de beker emes qoı. Pispektiń de kúbisine qaraı saılanyp keletini de ras-aý.
Rýslan IGILIK.