Sársenbi, 1 mamyr 2013 1:23
Bas Prokýratýrada Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń kezekti otyrysy ótip, onda adam saýdasymen baılanysty qylmystardy anyqtaý máseleleri qaraldy. Onyń jumysyna Úılestirý keńesiniń músheleri, Ishki ister jáne Ádilet mınıstrligi, Kóshi-qon polısııasy komıteti, halyqaralyq jáne úkimettik emes uıymdardyń jetekshileri qatysty.
Sársenbi, 1 mamyr 2013 1:23
Bas Prokýratýrada Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń kezekti otyrysy ótip, onda adam saýdasymen baılanysty qylmystardy anyqtaý máseleleri qaraldy. Onyń jumysyna Úılestirý keńesiniń músheleri, Ishki ister jáne Ádilet mınıstrligi, Kóshi-qon polısııasy komıteti, halyqaralyq jáne úkimettik emes uıymdardyń jetekshileri qatysty.
Memleket osy adam saýdasy qylmysyna tosqaýyl qoıý boıynsha naqty sharalardy júzege asyrýda: ózara quqyqtyq kómek jáne quqyqtyq qatynastar týraly birqatar halyqaralyq kelisim-sharttar jasaldy, adam saýdasyna tosqaýyl qoıýdy reglamentteıtin negizgi halyqaralyq aktiler ratıfıkasııalandy. Al ulttyq zańnama osy qylmyspen kúrestiń tıimdi sharalaryn qoldanýǵa, kinálilerdi jaýapkershilikke tartýǵa múmkindik beredi.
Bas Prokýror atap ótkendeı, adam saýdasy qoǵamnyń ótkir máseleleriniń biri bolyp otyr. Statıstıkalyq málimetter kórsetkendeı, sońǵy bes jyl ishinde Qazaqstanda adam saýdasynyń 600-ge jýyq qurbany anyqtalǵan. Quqyq qorǵaý organdary adam saýdasymen baılanysty 1,5 myńǵa jýyq qylmysty anyqtady, 800-den astam adam sottaldy. Jyl saıyn osy sanattaǵy 300-ge jýyq qylmys tirkeledi. Sondyqtan atqarylyp otyrǵan jumystyń tıimdiligi jetkiliksiz, adam saýdasy faktilerin anyqtaý, eskertý jáne jolyn kesý, qylmys qurbandarymen jumys tásilderin ózgertý qajet.
Úılestirý keńesiniń músheleri osy saladaǵy qalyptasqan jaǵdaıdy taldady, múddeli memlekettik organdardyń vedomstvoaralyq ózara is-qımylyn arttyrý, adam saýdasymen baılanysty qylmystardy anyqtaý, qylmys qurbandaryna kómek kórsetýdiń tıimdi tetikterin jasaý, tutastaı alǵanda azamattardyń quqyqtary men bostandyqtarynyń kepildigin kúsheıtý boıynsha naqty usynystar aıtty.
A.Daýylbaev adam saýdasymen baılanysty qylmystardyń profılaktıkasyn kúsheıtý aıasynda eńbek jáne ózge salalarda qanaýǵa túsý qaýiptiligi týraly aqparattyq-nasıhattyq jumystyń belsendiligin arttyrýdy tapsyrdy. Sondaı-aq, ol barlyq uıaly baılanys operatorlary úshin kúni-túni tegin jumys isteıtin «11616» senim telefonynyń jumysyn jolǵa qoıýdy tapsyrdy.
Keńeske qatysýshylar quqyq qorǵaý organdarynyń adam saýdasyna tosqaýyl qoıý salasynda jumys isteıtin úkimettik emes jáne qoǵamdyq uıymdarmen ózara is-qımyldyń belsendiligin arttyrý mańyzdylyǵyn atap kórsetti.
Aleksandr TASBOLATOV,
«Egemen Qazaqstan».