Sársenbi, 15 mamyr 2013 2:31
Qazaq «Synyqtan basqanyń bári juǵady» deıdi. Sol mátel dál qazir bizdiń belgili qashqyn Muhtar Ábilázovtiń basyna da dál kelgeli tur.
Endi muny taratyp ári túsindirip baıandap kóreıik. Osy kúnderi kóptegen sheteldik saıasatkerler men sarapshylar BTA-banktiń burynǵy basshysynyń tirligi túgeldeı Reseıden shyqqan ataqty olıgarh Borıs Berezovskııdiń taǵdyryna uqsap kele jatqanyna nazar aýdara bastady. Rasynda, ekeýinde bir-birimen uqsas nárseler kóp-aq.
Sársenbi, 15 mamyr 2013 2:31
Qazaq «Synyqtan basqanyń bári juǵady» deıdi. Sol mátel dál qazir bizdiń belgili qashqyn Muhtar Ábilázovtiń basyna da dál kelgeli tur.
Endi muny taratyp ári túsindirip baıandap kóreıik. Osy kúnderi kóptegen sheteldik saıasatkerler men sarapshylar BTA-banktiń burynǵy basshysynyń tirligi túgeldeı Reseıden shyqqan ataqty olıgarh Borıs Berezovskııdiń taǵdyryna uqsap kele jatqanyna nazar aýdara bastady. Rasynda, ekeýinde bir-birimen uqsas nárseler kóp-aq. Tipti terileriniń tústeri sál ózgesheleý demeseń, bulardyń túrleri men bet pishinderi de bir-birine kelińkireıdi. Álbette, muny aıtyp otyrǵan biz emespiz. Buǵan salmaq salyp, sarap jasap otyrǵandar kúndiz-túni osyndaı qadamdarǵa qarap, baǵamdar shyǵaryp otyrǵannan basqa sharýasy kem arnaıy mamandar.
Mine, olar mynany aıtady. Eń aldymen bulardyń ekeýi de bızneske ǵylymı ortadan keldi. Ekeýi de alǵashqy qadamdarynan bastap kapıtaldaryn ártúrli qıturqy áreketterge qurylǵan alaıaqtyq arqyly jáne ózderiniń belgili bir kezeńderdegi qyzmet baptaryn asyra paıdalanýlary negizinde qurastyryp aldy. Ekeýi de munymen shektelmeı, qaltalary tolǵan shaqtan bastap saıasatqa bastaryn tyǵyp kórdi. Ekeýi de budan pálendeı saıası upaı jınaı qoımady. Ekeýi de áldekimderden aldap-arbap alǵan dúnıelerin qyzǵyshtaı qoryp júrgen kezderinde sottalyp ta kete jazdady. Osy júrgenderinde ekeýi de urlaǵan-jyrlaǵan aqshalarynyń basym bóligin shetelderdegi bankter men ofshorlyq aımaqtardaǵy kásiporyndarǵa qaraı zytyra berdi. Ekeýi óz elderiniń azamattary bola júrip, keıde sandary men attarynan basqany bylaı qoıǵanda, ózderi de jańylyp qalatyndaı kásiporyndy samsatyp ashyp tastady. Ekeýi de sol jańbyrdan keıingi sańyraýqulaqtaı jamyrap shyǵa kelgen mekemelerin basqarýǵa jer-jahannyń ár túkpirindegi oıdan-qyrdan qashqan ózi sııaqty alaıaqtardy dóp taýyp alyp, qonjıtyp qoıdy.
Bulardyń bir-birlerine uqsaı qoımaıtyn bir ǵana marshrýty bar. Ol – Muhtar Ábilázovtiń Reseı astanasy –Máskeý qalasynyń dál túbinen taǵy bir jańa ádemi qala soqpaqshy bolyp, ol jaqtan jer alyp, Reseı bankterin aldap soǵyp, taqyrǵa otyrǵyzyp ketkeni. Al Borıs Berezovskıı Qazaqstanǵa dál olaı etip atizin sala qoıǵan joq-ty. Soǵan qaraǵanda, bizdiń qý ana qýdan da asyp túsip tur-aý, shamasy.
Aqyr sońynda bulardy qatty uqsatatyn taǵy bir tirlik – ekeýi de ábden bolyp-tolyp alǵan soń, aldaǵy qyryq ómirlerine deıin molynan jetetin esepsiz mol baılyqty jınap bitken soń, óz elderinde ózderin qoıatyn qolaıly jer tappaǵan soń bir-aq sátte bárin tárk etip, shekara asyp, shet elge ketip qaldy. Mine, tap osy shetelińizde de olardyń aldynan bir ǵana jol kórindi: bulardyń ekeýi de Ulybrıtanııanyń astanasy – London qalasyn tańdap aldy! Bul qalaǵa olardyń ekeýi de «Eýropa demokratııasy» degen qorǵaýshylar tobynyń kómegimen jetip aldy.
Myna ǵajapty qarańyz, Temzanyń jaǵasyndaǵy jaıly qalaǵa kelip alǵan soń kóp uzamaı bulardyń ekeýi de ózderiniń burynǵy áriptesterimen jappaı sottasýǵa bet aldy. Taǵy bir uqsastyq: bulardyń ekeýi de bir sottan keıin bir sotta utyla bastady.
Máselen, Berezovskııdiń óliminen sál ǵana buryn Ábilázov London Joǵarǵy sotynda BTA-banktiń bergen talap aryzy boıynsha qaralǵan iste ońbaı utylyp, burynǵy mekemesi esebine 2 mlrd. dollar kólemindegi aqshany qaıtarýǵa tıis boldy. Tap osyndaı utylysty Borıs Abramovıch te birneshe ret basynan keshti. Bulardyń ekeýi de sonda ózderi osyǵan deıin «ádilettiń almas qylyshy» dep atap júrgen London Joǵarǵy sotynyń sheshimderine qatty qaıran qalyp, jaǵalaryn ustady. Ábilázov Londonnyń tórindegi ózi aıynda bir ret túgel aralap shyǵýǵa da shamasy kelmeıtin 40-tan astam bólmesi bar, birneshe qabatty keń saraıyn bir kúnde tastap, Ulybrıtanııa aýmaǵynan syrtqa ketip qaldy. Al Berezovskıı sottyń óz isine qatysty qaýlysyn qolyna ustap turyp: «Maǵan bul sheshimge Pýtınniń jeke ózi qol qoıǵan sııaqty bolyp kórinedi», degen tarıhı sózin aıtýǵa májbúr boldy.
Eń sońynda Borıs Berezovskıı ómirden keter aldynda ózi sekildenip júrgen adamnyń ómir joly qalaı aıaqtalatynyn, sol jol adamdy qandaı etip shyǵaratynyn Ábilázovke kórneki úgit quraly sekildi etip kórsetip berdi. Álbette, Borıske qaraǵanda, Muhtardyń jasy biraz kishi. Dál ol sekildi kóp nársesinen áli utylyp ta kórgen joq. Biraq onyń endigi joly tek utylystardan quralatynyna esh kúmán bolmasa kerek.
Bizdi bir-birlerine ustyndary uqsaıtyn jandardyń tirlikteri osyndaı oılarǵa jeteledi.
Qurysh NURYMBET.