Kásipkerdiń «kásibi»

Seısenbi, 21 mamyr 2013 1:21

«Dánikkennen qunyqqan jaman» deıdi qazaq. Jurt kásipker dep arqa súıep, jumysy joqtar nápaqa aıyrýyma septigi tıe me dep úmit etken jan qanaǵatsyz bolyp shyqty. Adal eńbekpen jıǵanym buıyrsyn demeı, memleketti aldap, birdi-birge qaǵystyryp qarjy ıemdený de onyń «kásipkerligine» jatady eken.

Seısenbi, 21 mamyr 2013 1:21

«Dánikkennen qunyqqan jaman» deıdi qazaq. Jurt kásipker dep arqa súıep, jumysy joqtar nápaqa aıyrýyma septigi tıe me dep úmit etken jan qanaǵatsyz bolyp shyqty. Adal eńbekpen jıǵanym buıyrsyn demeı, memleketti aldap, birdi-birge qaǵystyryp qarjy ıemdený de onyń «kásipkerligine» jatady eken.

Bul derek Mańǵystaý obly­sy­nyń Qaraqııa aýdanynda «Ju­myspen qamtý-2020» baǵ­dar­­­­­­lamasy boıynsha «Oqytý jáne jumysqa ornalasýǵa jár­demdesý», «Kásipkerlikti da­mytýǵa járdemdesý», «Eńbek re­sýrstarynyń utqyrlyǵyn art­tyrý» jáne «Aýyldyq eldi meken­derdi damytý» baǵytynda sońǵy úsh jylda jumsalǵan qarjynyń tıimdiligine tekserý júrgizilgende anyqtaldy.

2011 jyly «Qaraqııa aýdan­dyq jumyspen qamtý ortalyǵy» memlekettik mekemesi  jumyssyz keıbir azamattardy sol aýyldaǵy jeke kásipker G.B-ǵa silteıdi. Qazaqstan Respýblıkasy Úki­metiniń 31.03.2011 jylǵy №316 qaýlysymen bekitilgen «Ju­myspen qamtý-2020» baǵdar­la­masyna qatysýshy retinde joldanǵan azamattardyń 8-i jumyssyzdardyń qataryna qosylýǵa ótinish bergen, biraq ortalyqpen áleýmettik kelisimshart jasamaǵan, eshqandaı qujattarǵa qol qoımaǵan. Jeke kásipker álgi segiz azamatty syrtynan «jumysqa qabyldap», «Qaraqııa AJQO» MM-nen baǵdarlamaǵa qatysýshylar úshin bólingen qarajat esebinen 8 azamatqa 2012 jyldyń sońǵy 4 aıyna aılyq «beredi». Sóıtip, jalaqy retinde bıýdjetten bólingen  442 myń tengeni jeke kásipker ózi ıemdenedi. Alǵany boıyna juqqan kásipker bıyl da osy áreketin júzege asyra bastaıdy. О́zine ortalyqtan joldanǵan 6 qaraqııalyqty «jumysqa alyp», olarǵa 2013 jyldyń qańtar, aqpan, naýryz aılaryna jalaqy retinde bıýdjetten bólingen 520 myń teńgeni ózi jymqyrady.

Qaraqııa aýdany proký­ro­rynyń orynbasary D.Saǵyn­dyqovtyń aıtýynsha, tekserý barysynda azamattardyń esh­qaı­sysynyń jeke kásipkerdi tany­maıtyndyǵy, onyń mekemesinde jumys jasamaǵandyǵy, jalaqy almaǵandyǵy anyqtalypty.

Ashkózdikpen memleketke 962 myń teńge shyǵyn keltirgen jeke kásipkerge qatysty qylmystyq is qozǵal­dy. Endi ol artyq ishken-jegenin «qusyp» qana qoımaı, jemqorlyq úshin jazasyn alatyn bolady.

Jumyssyzdarynyń jaıy ne bolyp jatqanyn qadaǵalamaı, aqshany aýdara bergen «Qaraqııa aýdandyq jumyspen qamtý ortalyǵy» memlekettik mekeme­sindegiler qaıda qarap otyrǵan?

Gúlaıym ShYNTEMIRQYZY,

«Egemen Qazaqstan».

Mańǵystaý oblysy.