Myń asqanǵa – bir tosqan

Seısenbi, 11 maýsym 2013 2:31

Malta soty Rahat Álıevtiń jyljymaıtyn múlikterine tyıym saldy

Osy ýaqytqa deıin otqa salsa kúımeı, sýǵa salsa batpaı kelgen áıgili Rahat Álıevti shyryldap týǵanynda alǵan ata-tegin kúrt ózgertip jiberip, áıeliniń famılııasyna kóship (o, toba!) aıaq astynan Shoraz bolyp shyǵa kelgenine, Avstrııadan qashyp, Maltaǵa baryp panalaǵanyna qaramastan, tıesili jazasy qýa­lap júrip taýyp aldy.Forbes.kz basylymynyń de­re­gine qaraǵanda, aral-memle­ket­tiń qylmystyq sotynyń sýdıasy, doktor Maıkl Malıa 6 maýsymda sheshim shyǵaryp, ony 7-sinde jarııalaǵan.

Seısenbi, 11 maýsym 2013 2:31

Malta soty Rahat Álıevtiń jyljymaıtyn múlikterine tyıym saldy

Osy ýaqytqa deıin otqa salsa kúımeı, sýǵa salsa batpaı kelgen áıgili Rahat Álıevti shyryldap týǵanynda alǵan ata-tegin kúrt ózgertip jiberip, áıeliniń famılııasyna kóship (o, toba!) aıaq astynan Shoraz bolyp shyǵa kelgenine, Avstrııadan qashyp, Maltaǵa baryp panalaǵanyna qaramastan, tıesili jazasy qýa­lap júrip taýyp aldy.Forbes.kz basylymynyń de­re­gine qaraǵanda, aral-memle­ket­tiń qylmystyq sotynyń sýdıasy, doktor Maıkl Malıa 6 maýsymda sheshim shyǵaryp, ony 7-sinde jarııalaǵan. Sheshimge saı Rahat Álıevten (iste ol Shoraz retinde kórinedi) syrtqa ketip qalmaý týraly qolhat alynyp, ózi men áıeli Elnara Shorazovanyń jáne qyzy Anjelıka Djýlıana Shorazdyń Malta jerindegi barlyq múlikterine, sondaı-aq eki kompanııa men bir basqa­rýshydaǵy shottaryna tyıym salynǵan. Buǵan qylmystyq jol­men alynǵan qarjylardy qolma-qol aqshaǵa aınaldyrý jónindegi kúdik sebep bolǵan. Osyǵan sáıkes eki bankke olar­dyń shottaryn ashyp berý jáne toqtatyp qoıý jóninde uıǵarym tapsyrylǵan. Sýdıanyń sheshi­minde bankterdiń attary atap kór­setilgen. Bul aqpar Rahat Álı­evtiń áreketterinen zardap shekken kisilerdiń múddelerin qorǵaýdy júzege asyryp júrgen Berlındegi DSRB (Danckert Spiller Richter Bärlein) advokattar keńsesine jaqyn derekkózder arqyly belgili bolyp otyr.

Sot sondaı-aq aral-mem­le­kettegi kólik ákimgershiligine sottyń qaýlysynda atap kór­se­tilgen adamdardyń men­shik­te­rindegi avtomobıl, ıahta, ushaq sekildi jyljymaly quraldardy baqylaýǵa alyp, olardyń Malta jerinen ketip qalýyna jol bermeý tapsyryldy. Bulardyń bárin elden shyǵarýǵa tyıym salyndy. Eger qazir elde bolmaı qalsa, olarǵa izdeý jarııalaý bas prokýratýraǵa júkteledi.Sonymen birge, bul otbasynda qandaı kólikterdiń bar ekeni de belgili. Aıtalyq, buryn «Alessandra» atalǵan ıahta qazir bul juptyń 2010 jylǵy 24 shildede týǵan qyzy Anjelıka Djýlıana Shorazdyń qurmetine «Djýlıana» dep atalady.Sottyń qaýlysynda atap kór­setilgen eki kompanııa ıahta­nyń ıeleri bolyp tabylady. Sý kóligin de solar paıdalana­dy. Al kompanııalardyń ózde­ri­niń ıeleri retinde qoldan bel­gilenip qoıylǵan jalǵan bireý­ler kórsetilgen. Olardyń art­tarynda kimniń turǵanyn endi sot anyqtaıtyn bolady. Malta zańyna sáıkes, sottyń qaýlysynda atap kórsetilgen adamdardyń barlyǵy 24 saǵattyń ishinde ózderiniń aktıvterin (menshikterindegi múlikterin) tolyq ashyp berýge tıis.Rahat Álıev bastaǵan toptyń zańsyz alynǵan qarajatty qolma-qol aqshaǵa aınaldyrý operasııasymen aınalysqan kúdikti ekeni týraly shaǵymdy Malta bas prokýratýrasyna nemistiń DSRB (Danckert Spiller Richter Bärlein) advokattar keńsesi 2013 jyldyń basynda túsirdi. Doktor Dankert pen onyń áriptesteri bul shaǵymdy GFR-de qylmystyq syzba arqyly qarjyny qolma-qol aqshaǵa aınaldyrǵan Rahat Álıevtiń, Elnara Shorazovanyń jáne kelinshektiń qazir Ábýuly degen atty jamylyp júrgen ákesiniń Maltada turyp jatqandary belgili bolǵannan keıin jazǵan.Nemis advokattary búginde Qazaqstan bıliginiń mandaty bo­­­ıynsha jumys jasap jatyr. Osy oraıda GFR-de top quryp, aqshany «aıdap shyǵýdyń» oshaǵy bolǵan Krefeldtegi (Soltústik Reın-Vestfalııa jeri) metall óńd­eýshi «Metalwerke Bender Rein­land GmbH» kompanııasyna tergeýshilerdiń nazaryn aýdardy.Advokattar bul kompanııaǵa jasandy fırmalardan mıllıon­daǵan dollar aqsha túsip turǵan, olardyń bári sosyn Álıev pen Shorazovanyń shottaryna aýdarylǵan dep esepteıdi. Bul aqshalarǵa olar Maltada jyl­jymaıtyn múlikter, ıahta satyp alyp, araldaǵy yqpaldy kásipkerlermen teń dárejeli áriptester retinde jergilikti bızneske aqsha quıylymyn jasaı bastaǵan.Alaıda, qazir belgili bol­ǵandaı, bul shalqý men sharyq­taýdyń adymy tym qysqa boldy. Qazaqstandaǵy múddeli adamdardyń daýyn daýlap júr­gen nemis advokattarynyń ta­­­ban­dylyqtary arqasynda Álı­ev-Shorazdyń qıturqy áreketteriniń bári ashylyp qal­dy. Osyǵan kóz jetkizgen Malta qyl­mystyq soty da endi bul isten bir adym da keıin she­gingisi ke­lip otyrǵan joq.Qazaqtyń «myń asqanǵa – bir tosqan» sóziniń salmaǵy endi shyndyq júzinde kórine bastady.

Qurysh NURYMBET.