Aıaýly meniń aýylym!..

Seısenbi, 1 qańtar 2013 8:29

Meniń búkil ómirim aýylda ótip keledi. Joǵary oqý ornyn bitirgen soń, Meńdiǵara aýdanynyń «Harkov» keńsharyna agronom bolyp kelgen edim. Osy aýyl meniń taǵdyryma aınaldy. Eńbek etseń Jer-ana bererin aıamaıdy. Sol úshin jerdi tek qana kútý, aıalaý kerek. Degenmen, Qazaq­­stannyń soltústik óńirindegi shól-shóleıtti aımaqtaǵy egin sharýashylyǵy sýarmaly emes, ol kókten tamǵan tamshyǵa táýeldi. О́tken jyly otyz jylda bir ret qaıtalanǵan qýańshylyq boldy. Kóktem-jaz boıy jańbyr jaýmaı, dıqannyń etken eńbegi esh ketti. Ylǵal saqtaý tehnologııasynyń arqasynda shalǵyǵa ilinerlik qana bıdaı ósirdik.

Seısenbi, 1 qańtar 2013 8:29

Meniń búkil ómirim aýylda ótip keledi. Joǵary oqý ornyn bitirgen soń, Meńdiǵara aýdanynyń «Harkov» keńsharyna agronom bolyp kelgen edim. Osy aýyl meniń taǵdyryma aınaldy. Eńbek etseń Jer-ana bererin aıamaıdy. Sol úshin jerdi tek qana kútý, aıalaý kerek. Degenmen, Qazaq­­stannyń soltústik óńirindegi shól-shóleıtti aımaqtaǵy egin sharýashylyǵy sýarmaly emes, ol kókten tamǵan tamshyǵa táýeldi. О́tken jyly otyz jylda bir ret qaıtalanǵan qýańshylyq boldy. Kóktem-jaz boıy jańbyr jaýmaı, dıqannyń etken eńbegi esh ketti. Ylǵal saqtaý tehnologııasynyń arqasynda shalǵyǵa ilinerlik qana bıdaı ósirdik.

Kelgen Jańa jyldan úmitim kóp. Aldymen tabıǵat-ananyń jomarttyǵyn tileımin. Jerdiń apshysyn qýyrǵan qurǵaqshylyq jyl saıyn qaıtalanýǵa tıis emes. Bıyl qys qatty bastaldy. Qar qalyń jaýdy. Qys aıaǵyna deıin taǵy da qar jaýsa, kóktem jańbyrly bolsa, jyl da jaman bolmaıdy. Ylǵal mol bolǵan jyly shóp te jaqsy shyǵady, mal qońdy bolady. Sońǵy jyldary oblysta mal sharýashylyǵy jedel damı bastady. Innovasııalyq-ınvestısııalyq jobalar júzege asyp jatyr. Sondyqtan aýyldaǵy aǵaıyn aldymen jyldyń sharýaǵa qolaıly bolýyn tileıdi.

Elbasy Nursultan Nazarbaevtyń «Qazaqstan-2050» Strategııasy ótken jyl­­­dyń basty oqıǵasy boldy. Aýyl sha­rýashylyǵyn damytpaı ekonomıka da órge baspaıdy. Aýyldyń bolashaǵyn búginnen oılamasaq bolmaıdy. Jańa qadam basqan jyl aýyldy kórkeıtýge, onyń áleýmettik máselelerin azaıtýǵa betburys jasasa eken dep tileımin. Qazaq úshin aýyl tek astyq pen et emes, aýyl – halqymyzdyń, ultymyzdyń tamyry. Aýyl tolyqqandy ómir súrýi qajet. Jas mamandar turaqtap qalǵanda ǵana aýyl ósedi, órkendeıdi. Jańa jylda aýylǵa baǵyttalǵan baǵdarlamalar kóbeısin!

Saıran BUQANOV,

«Karken» jaýapkershiligi shekteýli

seriktestiginiń dırektory,

Qazaqstannyń Eńbek Eri.

Qostanaı oblysy,

Meńdiǵara aýdany,

Harkov aýyly.