Juma, 18 qańtar 2013 7:17
Men jańa jyldaǵy sózimdi jermen jumys isteıtin sharýa adamy retinde ózimdi, ári agroqurylymdarda qyzmet isteıtin barlyq áriptesterimdi qýantyp, úmittendirip otyrǵan máseleden bastaǵym keledi. О́tken jyldyń qarasha aıynda respýblıka Aýyl sharýashylyǵy mınıstriniń orynbasary Aqjaıyqtaǵy sharýa qojalyqtary jetekshilerimen kezdesip 2013-2020 jyldarǵa arnalǵan argoónerkásip keshenin damytýdyń aýqymdy baǵdarlamasy ázirlengenin áńgimelep berdi.
Juma, 18 qańtar 2013 7:17
Men jańa jyldaǵy sózimdi jermen jumys isteıtin sharýa adamy retinde ózimdi, ári agroqurylymdarda qyzmet isteıtin barlyq áriptesterimdi qýantyp, úmittendirip otyrǵan máseleden bastaǵym keledi. О́tken jyldyń qarasha aıynda respýblıka Aýyl sharýashylyǵy mınıstriniń orynbasary Aqjaıyqtaǵy sharýa qojalyqtary jetekshilerimen kezdesip 2013-2020 jyldarǵa arnalǵan argoónerkásip keshenin damytýdyń aýqymdy baǵdarlamasy ázirlengenin áńgimelep berdi.
Mınıstrlik ókili bul maqsatta, ásirese, astyq ósirýmen aınalysatyn azamattarǵa tutas el boıynsha qomaqty nesıe bólinetinin de aıtqan edi. Eń bastysy, bizderdi bul qarajattardyń óte tıimdi túrde ári uzaq merzimge beriletini, tipti osy arqyly burynǵy qaryzdardyń ornyn toltyrýǵa da bolatyndyǵy qýantty. Jańa jylda Úkimet elge asa qajetti osy baǵdarlamalyq jobany bekitse, bul bárimiz úshin úlken qoldaý bolady dep esepteımin.
Endi meni sharýa baqqan adam retinde jańa jylda ne tolǵandyrady, ne oılandyrady degen saýalǵa toqtalsam – respýblıkada mal ósirýmen aınalysqysy keletinderge de osyndaı qarjylaı qoldaý tetikteri jasalsa ejelden mal baǵýdy kásip etip kelgen qazaq eli úshin bul baǵa jetpes kómek bolmaq. Biz Reseımen kórshiles qonystanǵandyqtan onda mal sharýashylyǵy keshenin damytý isinde taýar óndirýshiler úshin óte tıimdi baǵdarlama iske asyp jatqanynyń kýágeri bolyp júrmiz. Bul baǵytta kórshiler bir-birinen úırenip, tájirıbe almasqanynyń eshqandaı artyqshylyǵy joq degen oıdamyn.
Kerisinshe, reseılik áriptesterimiz Qazaqstannyń agro-qarjy júıesindegi ilkimdilik pen jedeldilikke tánti, tań-tamasha bolyp ketkeni bar. Jaǵdaı bylaı bolǵan edi. Osy júıe arqyly bizder egin oraǵy qarsańynda «Vektor-410» dep atalatyn búgingi zamanǵy alymdy da shalymdy astyq jınaıtyn kombaınǵa qol jetkize aldyq. Tipti, olar egin oraǵy naýqanynyń mańyzyn eskere otyryp artyq-aýys qujattardy da suramastan jeti jylǵa lızıngtik tásilmen bere saldy.
Árıne, qýanyshymyzda shek bolmady. Onyń ústine qazagroqarjylyqtar ár kombaıynnan 1,5 mıllıon teńgeni kem alyp taǵy da qarjylaı jeńildik jasady. Jańa tehnıkanyń oıdaǵydaı ónim jınaýǵa tıgizgen áseri aıtarlyqtaı. Oral óńirinde qurǵaqshylyq oryn alǵan ótken jyldyń ózinde qojalyqta ár gektardan orta eseppen 13 sentnerden ónim jınaldy. Sharýa adamynyń yńǵaıyna qaraı ıkemdelý degen osy emes pe?
Anatolıı DOSENKO,
Zelenov aýdanyndaǵy
sharýa qojalyǵynyń jetekshisi.
Batys Qazaqstan oblysy.