Aımaqtyq turǵydan tutastaı alǵanda, Nur-Sultan qalasy medısınalyq saqtandyrý jarnalary – aýdarymdary boıynsha Almaty qalasynan (20,8%) keıin ekinshi orynda keledi, al úshinshi orynda – Qaraǵandy oblysy (8,2%) tur.
«Medısınalyq saqtandyrý qoryna jarna aýdarýda elordalyq jumys berýshiler belsendi atsalysýda. Iаǵnı, medısınalyq saqtandyrý jarnalary men aýdarymdarynyń qomaqty bóligi – 1,105 mlrd teńge (99,67%) dál osy jumys berýshilerge tıesili, al 3,7 mln teńge (0,33%) – jeke kásipkerler men azamattyq-quqyqtyq kelisimshart negizinde eńbek etetin azamattardan túsken jarnalar», deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
Áleýmettik medısınalyq saqtandyrý qory Ulttyq bankpen senimgerlik basqarý týraly kelisimshart jasasqan. Soǵan sáıkes mindetti áleýmettik medısınalyq saqtandyrý jarnalary, ıaǵnı jınaqtalǵan qarjy Ulttyq bankte saqtalady.2020 jyldan bastap bul qarajat Mindetti áleýmettik medısınalyq saqtandyrý paketi sheńberindegi qyzmetter aqysyn tóleýge jumsalady.
Raýan QAIDAR, «Egemen Qazaqstan»