Kásibin shıratqan araldyq kásipkerlerdiń basym bóligi «Bıznestiń jol kartasy», «Agrobıznes», «Bıznes bastaý» baǵdarlamalary arqyly bıznesin damytty. Máselen, aýdanda sońǵy kezde 3 birdeı kásipkerlik nysan aýyl turǵyndaryna qyzmet etýde. Jeke kásipker Gúlmıra Naýryzova memlekettik baǵdarlama sheńberinde 14 mıllıon teńge nesıe alyp, fıtnes ortalyq ashqan. «Aıbar» dep atalatyn jańa fıtnes ortalyqta kúnine 30-40 adam sportpen aınalysa alady.
Munan ózge, Aralda «Nur» qonaq úıi, «Aı-Juldyz» jol boıy qyzmet kórsetý servısteri jergilikti turǵyndarǵa qyzmet kórsetýde. «Bıznestiń jol kartasy – 2020» baǵdarlamasy aıasynda nesıe alǵan qos kásipker óz bıznesin jandandyryp otyr. «Aı-Juldyz» qyzmet kórsetý kesheni ashylǵaly beri kásipker 50 adamǵa jumys kózin taýyp bergen.
Endi jyl sońyna deıin qosymsha 13 nysan ashylady. Bul óz kezeginde qosymsha 121 adamnyń jumys tabýyna múmkindik bermek.