«Ashyq esik» kúninde ózekti máseleler aıtyldy

«Ashyq esik» kúninde ózekti máseleler aıtyldy

Senbi, 4 mamyr 2013 1:59

«Qazagrofınans» ak­sıo­nerlik qoǵamy ortalyq ap­pa­ratynyń mamandary aýyl sharýashylyǵy taýarlaryn ón­dirýshiler úshin «ashyq esik kúnin» ótkizdi. Elimizdiń iri astyqty jáne mal, qus sharýa­shylyqtaryn damytýda da múmkindigi joǵary óńir bol­ǵan­dyqtan «Qazagrofınans» aksıo­nerlik qoǵamy «ashyq esik kúnin» ótkizýge Aqmola men Soltústik Qazaqstan oblystarynan keıin úshinshi bolyp Qostanaı oblysyna atbasyn burdy.

Senbi, 4 mamyr 2013 1:59

«Qazagrofınans» ak­sıo­nerlik qoǵamy ortalyq ap­pa­ratynyń mamandary aýyl sharýashylyǵy taýarlaryn ón­dirýshiler úshin «ashyq esik kúnin» ótkizdi. Elimizdiń iri astyqty jáne mal, qus sharýa­shylyqtaryn damytýda da múmkindigi joǵary óńir bol­ǵan­dyqtan «Qazagrofınans» aksıo­nerlik qoǵamy «ashyq esik kúnin» ótkizýge Aqmola men Soltústik Qazaqstan oblystarynan keıin úshinshi bolyp Qostanaı oblysyna atbasyn burdy. Oǵan qar­jy alyp, úlken jobalardy júzege asyryp jatqan nemese «Qazagrofınans» arqyly tehnıka parkin jańartqandar jınaldy. Kóptegen máseleler osynda talqylandy. Búginde aýyl sharýa­shylyǵy taýarlaryn óndi­rý­shiler nesıeni 6 paıyz ǵana ústememen beretin osy qarjy ınstıtýtynyń tıimdiligin sezinip otyr. Qazir aýyl sharýashylyǵy salasyn serpindi damytý tehnıkasyz, asyl tuqymdy mal­syz jáne ozyq tehnologııasyz múmkin emes. Olarǵa qarjy arqyly ǵana qol jetkize alatyny taǵy belgili. Respýblıka Úkimeti bekitken on tórt baǵytta jumys isteıtin «Qazagrofınans» iske kiriskeli Qos­tanaı oblysynda da 8,1 mıllıard teń­ge­ge qarjylandyrylǵan iri ınno­­va­sııalyq-ınvestısııalyq jo­ba­lar júzege asyp keledi. My­saly, satylap júzege asqan «Sad­chıkov», «Saryaǵash» taýarly sút fermalaryn, qus fabrıkalaryn, taǵy basqa sharýashylyqtardy tizýge bolady. Elimizde «Qaz­ag­rofınans» qarjysymen shetelden ákelingen asyl tuqymdy iri qaranyń qomaqty úlesi Qostanaı oblysyna tıesili. Ol barlyq kólemniń 25 paıyzyn­a ıe, ıaǵnı 4018 bas iri qara ákelingen. Shetelge astyq pen et, qus etin eksporttaý máselesin de osyndaı sharýashylyqtar sheshedi. Qar­jylandyrýdyń basty maqsaty da osy. «Qazagrofınans» ak­sıo­nerlik qoǵamy ortalyq ap­pa­ratynyń basshylary men jetekshi mamandarynyń dıqandar men malshylarǵa, ıaǵnı ózderiniń klıent­­terine jaqyn kelip, olardy suhbatqa tartýynyń sebebi bar. Mine, soltústik astyqty aý­dandarda kóktemgi dala ju­mystary bastalady. Sapaly astyq ósirý úshin ozyq tehnologııa kerektigi aıtýdy qajet etpeıtin aksıomaǵa aınalǵan. Ozyq tehnologııa – ozyq tehnıkany qajet etedi. Erteńgi jaı­qalǵan egin, altyn astyq búgin­gi jer óńdeýden bastalady. «Qazagrofınansqa» jyl basynan beri oblystan barlyǵy 1,5 mıllıard teńgeni quraıtyn 157 ótinish túsýi osynyń aıǵaǵy desek bolady. Degenmen, qarjy alatyndardy oılantatyn máseleler de joq emes. Sondyqtan, «ashyq esikte» qarjyger mamandar aýyl sharýashylyǵy taýarlaryn óndirýshilerdiń – klıentteriniń pikirin, usynystaryn tyńdady, olarmen ashyq suhbat boldy. «Qazagrofınans» qyzmetin paıdalanýshylar tarapynan, eń aldymen, nesıe alý úshin usynatyn qujattar tiziminiń kóptigi jó­nin­degi pikirler jıi aıtyldy. Lızıngtik negizde alynǵan aýyl sharýashylyǵy tehnıkalaryna ony jetkizýshi kompanııalar tarapynan kepildik qyzmet kórsetýdiń joqtyǵy sharýalar úshin jyl ótken saıyn ótkirlenip bara jatqan másele. Shetelden alyp kel­gen tehnıkalardyń qosalqy ból­shekterin tabý da ońaı emes ári qymbat, synsa ony jóndep, iske qosý tipti qıyn. Al naýqandyq jumys kezinde ár saǵat qymbat.

– Árıne, aýyl sharýashylyǵy taýarlaryn óndirýshiler tarapynan kóterilip otyrǵan durys másele. Biraq bul qarjy bizdiń quzyrymyzǵa jatpaıdy. Sonda da ózimizdiń múm­kindigimizdi paıdalanyp, lızıngtik kompanııalarmen osy jóninde dóńgelek ústelder ótkizip, bizdiń klıentter aıtqan máselelerdiń naqty tizimin jasap, olardyń nazaryna usyný kerek. Bul oraıdaǵy áńgimeniń tehnıka jetkizýshi qandaı kom­pa­nııaǵa, qandaı tehnıkaǵa, onyń qandaı bólshegine qatysty ekenin naqtylaǵan durys. Astyq ósiretin soltústik aımaqtardaǵy «Qazagrofınanspen» jumys istep otyrǵan 350 zańdy tulǵa úshin mundaı istiń sheshimin tabýy úlken jetistik bolady, – dedi «Qazagrofınans» aksıonerlik qoǵamynyń basqarma dırektory Zaýresh Shokýmanova.

Zaýresh Nyǵmetqyzy mun­daı máseleler aldaǵy ýaqyt­ta jetkizýshi kompanııa­lar­men kelisim-shart jasamaı tu­ryp sheshiletindiginen habar­dar etti jáne olardyń tehnı­ka­lar­ǵa kepildik qyzmet kór­setý máselesi «Nur Otan» ha­lyq­tyq-de­mokratııalyq partııasy tarapynan da baqylanatyn bo­lady. «Ashyq esik kúni» «Qaz­agrofınans» jetekshileri men mamandary jáne aýyl sharýashylyǵy taýarlaryn óndirýshiler kóktemgi dala ju­mys­taryna daıyndyq, Qos­tanaı oblysyndaǵy aýyl sharýa­shylyǵy keshenin ınvestısııalaý, nesıeniń ústeme paıyzyn azaıtý, sýbsıdııalaý, shetelden tehnıka ákelý men oǵan salynatyn salyq negizderi jáne asyl tuqymdy mal ákelý men onyń aýrýlaryna qatysty jaǵdaılar týraly máselelerdi ortaǵa saldy. Sondaı-aq, «ashyq esik» aıasynda qarjygerler jýrnalıstermen baspasóz más­lıhatyn ótkizip, olardyń kóptegen saýaldaryna jaýap berdi. «Qaz­ag­ro­fınans» aksıonerlik qoǵamynyń ózge qar­jylandyrý ınstıtýttary­nan aıyr­mashylyǵy týraly saýal­ǵa da jaýap alyndy. Árı­ne, sharýashylyqtarǵa bergen qar­jy­nyń jyldyq ústemesiniń tómen­digi basty artyqshylyqtyń biri ekeninde daý joq. Sonymen qa­tar, qarjylandyrylǵan jo­ba­nyń aıaǵynan tik turyp ketýi­ne «Qazagrofınans» múd­de­li bo­lyp otyrady. Onyń ke­ńes­tik, ıaǵnı sarapshylyq toby­na oblystyq ákimdiktiń, «Nur Otan» partııasynyń jáne más­lı­­hat­tar ókilderiniń engizilýi onyń ekonomıkanyń, sol arqyly memlekettiń damýyn aldyńǵy orynǵa qoıatynyn kórsetedi.

Názıra JÁRIMBETOVA,

«Egemen Qazaqstan».

QOSTANAI.