Talqylanatyn taqyryptar da aýqymdy

Talqylanatyn taqyryptar da aýqymdy

Seısenbi, 14 mamyr 2013 2:03

Osymen qatarynan altynshy ret ótkizilgeli otyrǵan Astana ekonomıkalyq forýmynyń halyqaralyq sahnada bedeli barǵan saıyn artyp keledi. Jyldan-jylǵa bul halyqaralyq forýmnyń talqylaıtyn taqyryptarynyń aýqymy da qomaqtanyp, qaralatyn máseleleriniń mańyzy da jahandanýda.

 

Seısenbi, 14 mamyr 2013 2:03

Osymen qatarynan altynshy ret ótkizilgeli otyrǵan Astana ekonomıkalyq forýmynyń halyqaralyq sahnada bedeli barǵan saıyn artyp keledi. Jyldan-jylǵa bul halyqaralyq forýmnyń talqylaıtyn taqyryptarynyń aýqymy da qomaqtanyp, qaralatyn máseleleriniń mańyzy da jahandanýda.

VI Astana ekonomıkalyq forý­mynyń sheńberinde 2013 jylǵy 22 mamyrda «Álemdik rynokqa shyǵý jolynda kólik ınfraqurylymyn jáne Kaspıı teńizindegi halyqaralyq baǵyttardy damytý» atty taqyrypta paneldik sessııa ótkiziledi. Bul paneldik sessııanyń negizgi maqsaty – Qazaqstannyń tranzıttik jáne lo­gıs­tıkalyq múmkindikterin anyqtaý, halyqaralyq kólik ınfraqurylymyna belsendi aralasý maqsatyndaǵy eli­miz­diń kólik-kommýnıkasııalyq keshe­niniń áleýetin arttyrý. Sessııaǵa qatysýshylar Eýrazııa qurlyǵynyń jahandyq kólik-kommýnıkasııalyq ınfraqurylymdaǵy rólin eskere otyryp, jańa saýda baǵyttaryn ashý múmkindikterin qarastyrady. Paneldik sessııa jumysyna Avtomobıl kóligi halyqaralyq odaǵynyń (IRU) Áýe joldary halyqaralyq assosıasııasynyń (IATA), Túrkitildi memleketterdiń yn­tymaqtastyq keńesiniń, ulttyq kom­panııalardyń jetekshileri qatysady.

Halyqaralyq forým kún tártibi boıynsha, 23 mamyr kúni «Damý» kásipkerlikti damytý qory» AQ «Qazaqstandaǵy kásipkerlik: táýekelder jáne múmkindikter» atty paneldik sessııa ótkizedi. Bul otyrystyń maqsaty – Qazaqstannyń shaǵyn jáne orta bıznesiniń halyqaralyq rynoktaǵy rólin aıqyndap, shetelderdegi ozyq tájirıbelerdi óndiriske engizý bolyp tabylady. Paneldik sessııanyń qorytyndysy boıynsha, álemdik ozyq tájirıbelerdi saraptaı otyryp, Qazaqstandaǵy shaǵyn jáne orta kásipkerlikti damytýdyń jańa múmkindikteri qarastyrylady. Osy bir mańyzdy halyqaralyq basqosýǵa Koreıanyń orta jáne shaǵyn bıznes korporasııasynyń prezıdenti Park Cheol-Kıý, Búkilálemdik áıel-kásipkerler assosıasııasynyń pre­zıdenti Danıel Lafon, Ger­ma­nııa áıel-kásipkerleri odaǵy bas­qar­masynyń múshesi Karın van Mýrık jáne basqa bıznes áleminiń belgili tulǵalary qatysady dep kútilýde.

Sonymen birge, forým aıasynda 24 mamyr kúni «Astana Invest 2013» degen taqyryppen Halyqaralyq ınvestısııalyq forým ótkiziledi. Bul forýmnyń maqsaty – Astana qalasynyń ınvestısııalyq ahýalyn jaqsartý jáne qala ekonomıkasynyń otandyq jáne sheteldik ınvestısııalardy tartý, halyqaralyq rynokta «Astana – Qazaqstannyń elordasy» bren­din qalyptastyryp, damytý. Fo­rým jumysyna elimizdiń ortalyq já­ne jergilikti atqarý organdarynyń, ult­tyq kompanııalarynyń, damý jáne qarjy ınstıtýttarynyń basshylary, Astana qalasynyń bıznes ókilderi já­ne shetel kompanııalarynyń ókil­deri qaty­sady.

Nııaz JYLQYBAEV.

ASTANA.