Juma, 17 mamyr 2013 1:50
Keden odaǵy qurylǵaly Soltústik Qazaqstan oblysynyń da naryqtyq aıasy keńeıip, álemniń 70-ke jýyq elderimen ekonomıkalyq qarym-qatynas jasaý múmkindigine ıe bolyp otyr. Byltyr olarmen jalpy taýar aınalymy 1,2 mıllıard AQSh dollaryn qurasa, 25 paıyzdaıy eksport úlesine tıedi. Aımaqtyń kórshi Reseımen taýar almasý deńgeıi byltyr 200 mıllıon dollarǵa jetti. Ekijaqty iskerlik baılanysty ózara múddelestik turǵydan damytý maqsatyn kózdegen Túmen oblysynyń iskerlik delegasııa ókilderi Qyzyljar óńirinde bolyp, baılanys bırjasy sheńberinde kásipkerlik salany tıimdi jalǵastyrý joldaryn qarastyrdy.
Juma, 17 mamyr 2013 1:50
Keden odaǵy qurylǵaly Soltústik Qazaqstan oblysynyń da naryqtyq aıasy keńeıip, álemniń 70-ke jýyq elderimen ekonomıkalyq qarym-qatynas jasaý múmkindigine ıe bolyp otyr. Byltyr olarmen jalpy taýar aınalymy 1,2 mıllıard AQSh dollaryn qurasa, 25 paıyzdaıy eksport úlesine tıedi. Aımaqtyń kórshi Reseımen taýar almasý deńgeıi byltyr 200 mıllıon dollarǵa jetti. Ekijaqty iskerlik baılanysty ózara múddelestik turǵydan damytý maqsatyn kózdegen Túmen oblysynyń iskerlik delegasııa ókilderi Qyzyljar óńirinde bolyp, baılanys bırjasy sheńberinde kásipkerlik salany tıimdi jalǵastyrý joldaryn qarastyrdy. О́nerkásip jáne kásipkerlik basarmasynyń basshysy Totykamal Quljanovanyń aıtýynsha, Qazaqstan Úkimetiniń «Bıznestiń jol kartasy-2020», «Eksporttaýshy-2020», «О́nimdilik-2020» baǵdarlamalary shaǵyn jáne orta bıznestiń órkendeýine úlken serpilis týǵyzyp, jan-jaqty qarjylyq kómek kórsetilip keledi. О́tken jyly bıznestiń jol kartasy salasyna 900 mıllıon, bıyl 1 mıllıard teńgeden astam qarjy quıyldy. Investorlarǵa qoldaý kórsetý ortalyǵy ınvestısııalyq qyzmetti jandandyrý, kásipkerlerdi qarjylandyrý, nesıelerge kepildik berý máselelerimen aınalysady. Osyǵan oraı, jergilikti taýar óndirýshilerdiń tıimdi jobalardy júzege asyrýǵa eren qulshynysyn baıqaý qıyn emes. О́ńirden sapaly astyq, qıyrshyq tas, elektr oqshaýlaǵysh materıaldar Reseıge jóneltilse, odan qurylys taýarlary, kólik quraldary, munaı ónimderi jetkiziledi. Búginde aımaqtyń 60-tan astam ónerkásip oryndary bıznes qurylymǵa birigip, kórshi elden 16 kásiporyn tartylǵan.
«Era-98» AAQ bas dırektorynyń orynbasary Vladımır Glazkov, balyq sharýashylyǵyn jandandyrýǵa, balyq ónimderin qaldyqsyz óńdeýge áriptestik tanytsa, «GorVodStroı» AAQ ókili Qazaqstanda qolǵa alynǵan eldi mekenderdi gazben, sýmen jabdyqtaý baǵdarlamasymen jaqsy tanystyǵyn aıta kelip, bul oraıda jer asty kommýnıkasııa qurylystaryna arnaıy tehnıkalar men mamandar jiberýge yqylastylyǵyn tanytty. Tez turǵyzylatyn úıler jasaýmen jáne jabdyqtaýmen shuǵyldanatyn óndiristik-qurylys kompanııasynyń bas dırektory Nıkolaı Koval oblysta óz fılıalyn ashý nıetin jasyrmady. «Urpag-tour» JSSh bas dırektorynyń orynbasary Roman Gostrenko Aıyrtaý aýdany aýmaǵynda etnoaýyl qurylysyn júrgizýge arnalǵan jobaǵa túmendik kásipkerler qyzyǵýshylyq týdyryp otyrǵanyn jetkizdi.
Meımandar Mamlıýt aýdanyna qarasty «Arqalyq» sharýa qojalyǵynda bolyp, qymyz óndirisimen tanysty. Onyń jetekshisi Naǵashybaı Barlybaev Túmenniń Sladkovskoe aýdanynda shıpaly sýsyn óndiretin seh ashý josparymen bólisti.
Túmendik kompanııalar soltústikqazaqstandyqtarmen áriptestik baılanys ornatý kelisimine qol qoıdy.
О́mir ESQALI,
«Egemen Qazaqstan».
Soltústik Qazaqstan oblysy.