Juma, 24 mamyr 2013 2:05
Oblys ortalyǵynda munaı koksyn qyzdyrý boıynsha salynatyn óndiris «Pavlodar» erkin ekonomıkalyq aımaǵy aýmaǵynda ornalasady. Aımaqta munaı koksy, kúkirt qyshqyly, alkıdti qaramaı jáne basqa da hımııa ónimderiniń óndirisi josparlanýda. Jalpy, munaı koksyn óndiretin bul jańa jobany «ÝPNK-PV» JShS qolǵa aldy. Kásiporyn dırektory Naǵashybek Áýbákirov jáne «Pavlodar» AEA basqarýshy kompanııasy» AQ basqarma tóraǵasy Marat Baıǵojınderdiń aıtýlarynsha, zaýyt jylyna 280 myń tonna koks óndiredi.
Juma, 24 mamyr 2013 2:05
Oblys ortalyǵynda munaı koksyn qyzdyrý boıynsha salynatyn óndiris «Pavlodar» erkin ekonomıkalyq aımaǵy aýmaǵynda ornalasady. Aımaqta munaı koksy, kúkirt qyshqyly, alkıdti qaramaı jáne basqa da hımııa ónimderiniń óndirisi josparlanýda. Jalpy, munaı koksyn óndiretin bul jańa jobany «ÝPNK-PV» JShS qolǵa aldy. Kásiporyn dırektory Naǵashybek Áýbákirov jáne «Pavlodar» AEA basqarýshy kompanııasy» AQ basqarma tóraǵasy Marat Baıǵojınderdiń aıtýlarynsha, zaýyt jylyna 280 myń tonna koks óndiredi. Ol otandyq shıkizattan alıýmınıı óndirý barysynda qoldanylatyn elektrodtar shyǵarý úshin qajet. Kásiporyn 2014 jyldyń birinshi toqsanynda iske qosylady. Joba ÚIID memlekettik baǵdarlamasy boıynsha oryndalýda, elimizdiń Indýstrııalandyrý kartasyna engizilgen. Búginde AEA aýmaǵynda 43 qatysýshy kompanııa tirkelgen. Al, jergilikti «Kaýstık», «ÝPNK PV», «Kompozıt» ǴО́B, «Kúkirt qyshqyly zaýyty» kásiporyndary qurylys salýǵa qazir de kirisip ketýge daıyn. Mamandardyń aıtýynsha, osy tórt jobany 2014-2017 jyldary oryndaý óńirge 478 jańa jumys ornyn ashýǵa, 21 mlrd. teńge ınvestısııa tartýǵa múmkindik beredi. Iske qosý josparlanyp otyrǵan qalǵan jobalar ınvestısııalarynyń kólemi 218 mlrd. teńgege baǵalanady.
Jalpy, «Pavlodar» AEA-nyń aýmaǵynda joǵary eńbekaqy tólemimen 3300 jańa jumys orny qurylady. Bıýdjetke jyl saıynǵy túsim 1,3 mlrd. teńgege deıin artady, deıdi Marat Baıǵojın. Sonymen qatar, AEA aýmaǵynda polıefırli qaramaı jáne zalalsyzdandyrǵysh quraldar shyǵaratyn óndiris te salynady Al, «Kompozıt» ǵylymı-óndiristik birlestiginiń kásipornynda jyl saıyn 5 myń tonna polıefırli qaramaı men 3 myń tonna kompozıtti buıymdar óndiriledi. Sheteldik kompanııalarmen jańa tehnologııalar men jabdyqtar jetkizý jóninde kelissózder júrgizilýde. Kásiporyn 2015 jyldyń ekinshi toqsanynda iske qosylady dep josparlanýda. Kelesi óndiris orny «BO-NA» JShS zalalsyzdandyrý quraldaryn emdeý-profılaktıkalyq uıymdarda, ónerkásiptik, azyq-túlik jáne mal sharýashylyǵy nysandarynda óndiretin bolady. Buǵan deıin bul kásiporyn AQSh densaýlyq saqtaý departamentiniń qoldaýymen Halyqaralyq ǵylymı-tehnıkalyq ortalyǵymen birlesip zalalsyzdandyrý quraldarynyń eki túrin ázirledi. Qaýipsizdikke jáne tıimdilikke zertteýler júrgizildi, ınnovasııalyq jáne avtorlyq patentter, taýarlyq belgi alyndy. Qondyrǵynyń jobalyq qýaty – jylyna 520 tonna, ol qazaqstandyq kásiporyndar satyp alatyn densaýlyqqa qaýipti, quramynda hlory bar zalalsyzdandyrý quraldaryn almastyrýǵa múmkindik beredi.
Al, oblys ortalyǵyndaǵy Sultanmahmut Toraıǵyrov atyndaǵy memlekettik ýnıversıtettiń ǵylymı-tehnıkalyq keńesi «Pavlodar» arnaıy ekonomıkalyq aımaǵynyń ınnovasııalyq jobalaryn ǵylymı túrde qoldaıtyn bolady. Professorlar Aleksandr Kıslov pen Tóleýǵazy Toqtaǵanov, dosent Rımma Nesmeıanovanyń ǵylymı baǵyttar boıynsha jazǵan jobalary men zertteýleri qaraldy. Ǵalymdar taýarlardyń óndirisine sheteldik ınvestısııalar men qoldanbaly tehnologııalardy tartý máselelerin talqylady.
Farıda BYQAI,
«Egemen Qazaqstan».
Pavlodar oblysy.