Soltústik Qazaqstan oblysynyń ákimi Qumar Aqsaqalov pen Germanııanyń Qazaqstandaǵy Tótenshe jáne ókiletti elshisi Tılo Iohanes Klınnerdiń kezdesýi barysynda Petropavl-Gannover áýe qatynasyn qaıta jańǵyrtý máselesi de talqylandy.
Nemis elshisi Qumar Irgebaıulynyń usynysyn qoldap, Germanııa ózara yntymaqtastyqty odan ári nyǵaıtýǵa nıetti ekenin jetkizdi.
«Oblystaryńyz Reseımen shektesedi. Bul jerde kólik logıstıkasy jaqsy damyǵan. Biz eki eldiń arasyndaǵy taýar aınalymyn údete alamyz. Agrosektor – birlesken jobalar úshin tıimdi sala. Soltústikqazaqstandyq ónimdi Germanııaǵa jetkizý bizge de tıimdi bolmaq.
Al Petropavl-Gannover arasyndaǵy áýe reısin qaıta jańǵyrtý arqyly jolaýshylar úshin qolaıly múmkindikter týdyrýdyń, ekitaraptyq týrızmdi damytýdyń mańyzy zor», dedi Tılo Iohanes Klınner.
Soltústik Qazaqstan oblysy