Nıý-Iorkte ótken jarysta 16 jasar Kaıl Gırsdorf aqtyq márege jetken 100 oıynshynyń arasynda úzdik atandy. Vırtýaldy saıystyń jalpy júlde qory 30 mln dollardy qurady.
Chempıonattyń alǵashqy kezeńinen ótý úshin 10 apta boıy álemniń túkpir-túkpirinen 40 mıllıon oıynshy talasqan. Sońǵy kezeńge jetken oıynshylar qatarynda 30-dan astam eldiń ókili bar.
Oıyn sharty boıynsha belgisiz aralǵa tastalǵan 100 oıynshynyń arasynda jalǵyz qalǵany jeńiske jetedi.
Vırtýaldy oıyndar álem boıynsha jasóspirimder arasynda keńinen tanylyp keledi. Búginde onyń mıllıondaǵan aýdıtorııasy bar, al kommersııalyq jaǵynan 2019 jyly mıllıard dollarlyq ındýstrııa dep baǵalanǵan.
Kıbersport Qazaqstanda resmı túrde sport túri dep 2018 jyly tanyldy. Mádenıet jáne sport mınıstrliginiń qoldaýymen Qazaq Cybersport Federation respýblıkalyq qoǵamdyq birlestigi qurylǵan. Elimizdiń toptary álemdik jarystarǵa qatysyp, júldeli oryndarǵa da ıe bolyp júr.