Qyzyljar óńirinde jol boıynda ornalasqan qyzmet kórsetý oryndarynyń jumysy jurtshylyq kóńilinen shyǵa bermeıtini kópten beri aıtylyp keldi.
Tipti oblystyq ákimdiktiń otyrysynda bul másele arnaıy talqylanyp, olqylyqtardan qorytyndy shyǵarý talap etilgen bolatyn. «QazAvtoJol» UK» AQ oblystyq fılıalynyń basshysy Bolatbek Aıtbaev bıyl respýblıkalyq mańyzǵa ıe avtojoldardyń boıy tolyq retke keltiriletinin, aýqymdy joba jyly dárethanalar qoıýdan bastalatynyn jetkizdi. Onyń aıtýynsha, alǵashqy legi Pokrovka, Dragomırovka, Roshınskoe, Saýmalkól, Presnovka, Chkalovo, Kishkenekól eldi mekenderiniń, Býlaev, Mamlıýtka qalalarynyń jáne «Jańajol» men «Qaraqoǵa» shekara ótkizý beketteriniń janynda turǵyzylady.
«Dárethanalardy ınvestısııalyq qarjyǵa ornatýdy josparlap otyrmyz. Keıin bul nysandardy óz qarajatymyzǵa kútip ustaıtyn bolamyz», deıdi B. Aıtbaev.
Budan tysqary «Kókshetaý-Omby» avtojoly Chkalovo eldi mekeniniń mańynda «Kaz Way» jol pavılony turǵyzylady. Nysannyń ishinde jyly dárethana men avtobýs aıaldamasy bolmaq.
Osylaısha jıi ótkir synǵa ushyrap júrgen jol boıyndaǵy servıstik qyzmettiń sapasy eleýli túrde ózgeretin bolady.
Soltústik Qazaqstan oblysy.