Áriptestik baılanystyń tıimdi joly

Juma, 22 aqpan 2013 7:25

Oblys ákimi Samat Eskendirovtiń tóraǵalyǵymen Buqaralyq aqparat quraldary  /BAQ/ máseleleri jónindegi qoǵamdyq keńestiń birinshi otyrysy  ótti. Oǵan respýblıkalyq, jergilikti basylymdar ókilderi, ardager jýrnalıster, úkimettik emes uıymdar músheleri,  vedomostvolar basshylary qatysty.

Juma, 22 aqpan 2013 7:25

Oblys ákimi Samat Eskendirovtiń tóraǵalyǵymen Buqaralyq aqparat quraldary  /BAQ/ máseleleri jónindegi qoǵamdyq keńestiń birinshi otyrysy  ótti. Oǵan respýblıkalyq, jergilikti basylymdar ókilderi, ardager jýrnalıster, úkimettik emes uıymdar músheleri,  vedomostvolar basshylary qatysty.

Aımaq basshysy qoǵamdyq keńestiń qurylý sebebin túsindire kelip, memlekettik aqparattyq saıa­sat­ty qalyptastyrý boıynsha usy­nystar ázirleý, BAQ salasynda qo­ǵamdyq qatynastardy jetildirý, joǵary etıkalyq jáne kásiptik qaǵıdattardy damytýǵa járdemdesý, óńirlik aqparattyń qoljetimdiligin qamtamasyz etý sekildi mindetter júk­teletinin, soǵan oraı qoǵamdyq pikir men azamattyq ustanymdy qalyp­tas­tyrýdaǵy «tórtinshi bılik» ıeleri róli­niń ereksheligin alǵa tartty. Elbasy halyqqa arnaǵan Joldaýynda 2050 jylǵa qaraı Jalpyǵa ortaq eńbek qoǵamyn qurý, álemniń eń damyǵan 30 eliniń qataryna kirý talaptaryn qoıdy. Sondaı-aq memleket, qoǵam, ult retinde ómir súrýimizdiń basty alǵysharty qoǵamdyq kelisimdi saqtaý jáne nyǵaıtý bolyp tabylatynyn atap kórsetti. Bul oraıda, bılikke de, BAQ-tarǵa da úlken jaýapkershilik júkteledi. Bárimiz qoǵamdy biriktirýshilik qyzmetine birigip atsalysýymyz kerek, dedi oblys ákimi.Ishki saıasat basqarmasynyń bastyǵy Rýslan Álishev jergilikti aqparat keńistigi jaıly maǵlumat berdi. Jyl ótken saıyn memlekettik tapsyrys mólsheri artyp, búginde 425,5 mıllıon teńgeni qurap otyr. Tirkeýdegi 70-ke jýyq BAQ betterinde oblys ómirine qatysty maqalalar men problemalyq máseleler júıeli jarııa­lanyp keledi. Desek te, sheshimin tabatyn jáıtter joq emes. Memlekettik organdardyń BAQ-tarmen baılanysy áli de jetildirýdi qajet etedi. О́ıtkeni, ınternet-resýrstardyń jetimsizdiginen saıttardyń jańartylmaıtyny, aqparattardyń keshigip berilýi, bolmasa eskirip qalýy sııaqty oǵashtyqtar kezdesip qalady. Sol sııaqty keı mekemelerde baspasózge jaýaptylyq mindeti kezdeısoq adamdarǵa júktele salǵan. Taldamaly túsiniktemeler berýge olardyń kásibı sheberligi men biliktiligi jete bermeıdi. Soǵan oraı, baspasóz hatshylarynyń oqýlaryn uıymdastyrý, semınarlar, trenıngter ótkizý usynyldy.«Ádil-Arqa» qoǵamdyq qorynyń tóraıymy Záýre Jumalıeva óz oıyn  «táýeldi jáne táýelsiz» basylymdar tóńireginde órbitti. Ol jeke menshik basylymdarǵa da memlekettik tapsyryspen jumys isteý múmkindigin berýdi ótindi. Menshikti tilshiler Svetlana Pyshkına, Amantaı Erbaqyt málimet, derek alý qıyndyǵyn sóz etse, oblystyq «Severnyı Kazahstan» gazetiniń shef-redaktory Nazgúl Súleımenova, qalalyq «Prospekt-SK» gazetiniń redaktory Iýlııa Pronına BAQ ókilderin ákimdik jıyndaryna jıi qatystyrýyn qulaqqaǵys etti. Ardager jýrnalıst Galına Vorobeva poshta men BAQ baılanysynyń tómen­digine qynjylys bildirdi. «Qyzyljar-Aqparat» JShS-niń bas redaktory Káribaı Musyrman aýdandyq gazet­terdiń materıaldyq-tehnıkalyq bazasyn jáne kadr quramyn nyǵaıtýǵa, jergilikti teledıdarlarda ótkir materıaldardyń kórinbeı ketkenine jınalǵandardyń nazaryn aýdardy. Basqosýda oblystyq ishki ister departamenti janyndaǵy baspasóz qyzmetiniń jetekshisi – Mádına Bal­ǵashoqova jumysy úlgi etildi.Samat Saparbekuly qorytyndy sózinde BAQ-tardyń mindeti – adamdar boıynda elge, jerge, Otanǵa degen maqtanysh sezimin uıalata otyryp, qalyptasqan memlekettiń jańa saıası baǵytyn jan-jaqty túsindirý, bul oraıda jarııalylyq, ashyqtyq, dáldik, shyndyq basty ólshem bolyp tabylatynyn taǵy bir eske saldy. Vedomstvolar basshylaryna buqaralyq aqparat quraldarymen tikeleı áriptestik baılanys ornatyp, birinshi kezekte múddelilik tanytýdy, bılik pen halyqty jaqyndastyrýdyń barlyq joldaryn qarastyrýdy júktedi.О́mir ESQALI,«Egemen Qazaqstan».Soltústik Qazaqstan oblysy.