Juma, 1 naýryz 2013 7:57
Irannyń ıadrolyq baǵdarlamasyna qatysty jıynnyń qazaq jerinde, Almaty qalasynda ótýiniń ózin halyqaralyq dıplomatııalyq salada elimizdiń qol jetkizgen taǵy bir tabysy dep aıtýǵa ábden bolady. Budan 9 aı buryn Máskeýde ótken jıynnan keıin bul taqyryp álemdik deńgeıde qozǵalmaǵan edi. Halyqaralyq jaǵdaı óte shıelenisip turǵan tusta «Iran máselesine» álem nazaryn aýdarta bilý – bul da bizdiń ustanǵan saıasatymyzdyń bıik deńgeıin ańdatsa kerek.
Juma, 1 naýryz 2013 7:57
Irannyń ıadrolyq baǵdarlamasyna qatysty jıynnyń qazaq jerinde, Almaty qalasynda ótýiniń ózin halyqaralyq dıplomatııalyq salada elimizdiń qol jetkizgen taǵy bir tabysy dep aıtýǵa ábden bolady. Budan 9 aı buryn Máskeýde ótken jıynnan keıin bul taqyryp álemdik deńgeıde qozǵalmaǵan edi. Halyqaralyq jaǵdaı óte shıelenisip turǵan tusta «Iran máselesine» álem nazaryn aýdarta bilý – bul da bizdiń ustanǵan saıasatymyzdyń bıik deńgeıin ańdatsa kerek.
Sheteldik sarapshylar Sırııadan keıin osy Iran Islam Respýblıkasyn úlken qaqtyǵystar kútip tur dep boljap otyr. О́ıtkeni, musylman elderi men Amerıka Qurama Shtattary bastaǵan Batys elderiniń saıasatkerleri arasyndaǵy qarama-qaıshylyq, qyrǵı-qabaq qatynas pen saıasattaǵy qaqtyǵystar toqtamaı tur. Bul eger úlken janjalǵa ulasatyn bolsa, búkil álemge óziniń jaǵymsyz áserin tıgizip, onyń zardabyn barlyq elder tartatyn bolady. Qalaı degenmen de, Iran – álemdi munaımen qamtamasyz etýshi iri memleket, qýatty elderdiń biri. Sondyqtan da, Almatydaǵy «Iran kelissózderiniń» qaıta jańǵyrýynyń ózi álemdik saıası qatynastar sahnasyndaǵy úlken nátıje.
Birikken Ulttar Uıymy Qaýipsizdik Keńesiniń barlyq turaqty músheleri qatysqan bul jıynda baıaǵysha bura tartýǵa jol berilmeı, ár tarap ózderiniń pikirlerin bir-birine tyńdatyp, usynystaryn ótkize bildi. Iаdrolyq baǵdarlama máselesinde belgili bir kelisimge keletindikterin dáleldedi. Osyndaı jemisti júzdesýge arnaıy «ózara tilqatysý alańyn» usynǵan Qazaqstan úshin de bul kezdesýler úlken nátıjelerge jeteleıtin jarqyn baǵyt.
Eýropalyq Odaq pen Iran arasyndaǵy toqtap qalǵan úderiske jan bitip, ilgeri damýǵa baǵyt alyp otyr. Naýryz aıynda ıadrolyq baǵdarlama boıynsha tehnıkalyq sarapshylar jınalyp Túrkııanyń Ystambul qalasynda bas qospaq. Osy Iran ıadrolyq baǵdarlamasynyń tehnıkalyq sıpatyna qatysty úlken pikir almasýlar men talqylaýlar bolady. Sosyn, Almaty qalasynda keshegi ótkizilgen «Iran máselesiniń» besinshi únqatysýynyń jalǵasy, ıaǵnı qorytyndy kezdesýi ótedi. Osy is-qımyldyń ózi qazaq jerinde ótkizilgen kelissózderdiń jan-jaqty qoldaýǵa ıe bolǵandyǵyn, taraptardyń ózara túsinistikke bet burǵandyǵyn kórsetip otyr.
Eýroodaqqa múshe elder, onyń ishinde Eýropanyń azýyn aıǵa bilegen iri memleketteri bar, osy Irannyń ıadrolyq baǵdarlamasyna qatysty jahandyq máselede bir-birimen túzý amandaspaı júrgen memleketterdiń bir ústel basyna jınalyp, ózara suhbat qurýy bizdiń memleketimizge kórsetken olardyń qurmetin naqtylaıdy. Jáne ony Qazaq eline úlken abyroı ákeletin nátıjeli qadam dep baǵalaý kerek. Bul degenimiz, Qazaqstannyń álem aldyndaǵy bedeli men Elbasy Nursultan Nazarbaevtyń júrgizip otyrǵan syndarly saıasatynyń jemistiligin bildiredi.
Buıyrtsa, bıylǵy sáýir aıynda bas qosatyn «Iran kelissózderiniń» ekinshi kezdesýinde elimizben birge kúlli álemge ıgiligi tıetin ilgeri basýlar bolady dep senim artamyz. Bul oqıǵalarǵa qazir barsha adamzat alańdaı kóz tigip otyr.
Kamal BURHANOV,
Parlament Májilisiniń depýtaty.