Premer-Mınıstr Asqar Mamın Eńbek jáne halyqty áleýmettik qorǵaý mınıstrliginiń ujymyna jańa mınıstr Birjan Nurymbetovty tanystyrdy. Bul týraly primeminister.kz habarlady.
Úkimet basshysy Berdibek Saparbaevqa qazaqstandyqtardyń áleýmettik ál-aýqatyn jaqsartýǵa qosqan úlesi úshin alǵys bildirdi. Onyń basshylyǵymen Eńbek jáne halyqty áleýmettik qorǵaý mınıstrligi QR Tuńǵysh Prezıdenti - Elbasy Nursultan Nazarbaevtyń jáne Memleket basshysy Qasym-Jomart Toqaevtyń áleýmettik salany jańǵyrtý boıynsha qoıǵan mindetterin sheshýge qatysty júıeli jumysty uıymdastyrdy.
Jańa mınıstrdi tanystyrý kezinde Asqar Mamın Birjan Nurymbetovtyń áleýmettik saladaǵy 20 jyldyq jumys tájirıbesin atap ótti. Túrli jyldary ol eńbek jáne halyqty áleýmettik qorǵaý vıse-mınıstri bolyp jumys istedi, QR Premer-Mınıstri Keńsesiniń Basshysynyń orynbasary laýazymynda boldy. 2017 jyldan bastap QR kásipodaqtar federasııasy tóraǵasynyń birinshi orynbasary qyzmetin atqardy.