Senbi, 2 naýryz 2013 8:21
Tórtkúl dúnıe kóz tikken áıgili EKSPO kórmesiniń 2017 jyly elimizdiń elordasynda ótetini kúlli qazaqstandyqtardy sheksiz qýanyshqa bólegeni belgili. Aıtýly oqıǵaǵa oraı elimizdiń barlyq jerlerinde derlik búginde belsendi is-sharalar ótip jatyr. Solardyń biri de, biregeıi keshe elordadaǵy S.Seıfýllın atyndaǵy qazaq agrotehnıkalyq ýnıversıtetinde bolǵan aýqymdy izdenis sharasy der edik. Ýnıversıtet stýdentteri EKSPO-2017 qurmetine arnap óz qoldarymen elimizdiń topyraq erekshelikterin qamtı otyryp, Qazaqstan kartasyn jasapty.
Senbi, 2 naýryz 2013 8:21
Tórtkúl dúnıe kóz tikken áıgili EKSPO kórmesiniń 2017 jyly elimizdiń elordasynda ótetini kúlli qazaqstandyqtardy sheksiz qýanyshqa bólegeni belgili. Aıtýly oqıǵaǵa oraı elimizdiń barlyq jerlerinde derlik búginde belsendi is-sharalar ótip jatyr. Solardyń biri de, biregeıi keshe elordadaǵy S.Seıfýllın atyndaǵy qazaq agrotehnıkalyq ýnıversıtetinde bolǵan aýqymdy izdenis sharasy der edik. Ýnıversıtet stýdentteri EKSPO-2017 qurmetine arnap óz qoldarymen elimizdiń topyraq erekshelikterin qamtı otyryp, Qazaqstan kartasyn jasapty.
EKSPO-2017 kórmesi – el mereıin ósiretin uly shara. Bul sharany ásirese, jastar qoldaýda. Búgingi jıynǵa ýnıversıtet basshylyǵynyń eshqandaı qatysy joq. Bul stýdentterdiń óz bastamalary men ıdeıalary, – dedi atalǵan sharada sóz alǵan ýnıversıtet rektory, professor Aqylbek Kúrishbaev. Sondaı-aq, ol Elbasynyń 2050 Strategııasyn iske asyrýda jastardyń atqarar jumystary erekshe ekenin de nazardan tys qaldyrmady.
«Qazaqstannyń topyraq kartasy» tuǵyrnamasynyń uzyndyǵy 161, eni 91 santımetr. Al kartanyń óziniń uzyndyǵy – 103 santımetr. Bul atalǵan sandardyń mánine kelsek, 161 kórmeni ótkizý týraly saılaýǵa qatysqan elderdiń sanyn bildirse, onyń ishinde 103 memleket Qazaqstanda kórmeni ótkizýdi qoldap daýys bergenin, al 91 sany elimizdiń táýelsizdigin jarııa etken jyldyń sımvolyn bildiredi eken. Tuǵyrnamada Qazaqstan kartasynan basqa Alataý, Ulytaý, Jumbaqtas, Altaı taýlarynyń jobasy qoldan qurastyrylǵan. Bul – «tórteý túgel bolsa, tóbedegi keledi» degen halyqtyq qaǵıdaǵa saıady.
– EKSPO-2017 kórmesine álemniń júzden astam memleketteri men birneshe halyqaralyq uıymdar qatysady. Olar ulttyq tól mádenıetimizben jáne elimizdiń ekonomıkalyq, tehnologııalyq damý deńgeıimen tanysady. Osy rette biz kórmeniń ajyramas bóligi – ultymyzdyń ulylyǵy men elimizdiń aıshyqty jetistikterin álemge pash etýimiz kerek, – deıdi sharany uıymdastyrýshylar.
Stýdentter belsendiligimen uıymdastyrylǵan shara birinshi kýrs stýdenti Anastasııa Býlahtyń kórermender aldynda salǵan kórme kelbetin órnektegen sýreti men «Shattyq», «Qyzǵaldaq» bı toptarynyń ónerlerimen óz jalǵasyn tapty.
Ábdirahman QYDYRBEK,
«Egemen Qazaqstan».
ASTANA.
––––––––––––––––––
Sýretti túsirgen
Erlan OMAROV