Tuńǵysh Prezıdent – Elbasy Qory jyldaǵy ıgi dástúr boıynsha jalpyulttyq aksııasy aıasynda oqý jylynyń bastalýyna daıyndyq kezinde az qamtamasyz etilgen jáne kóp balaly otbasylardan shyqqan oqýshylarǵa qoldaý kórsetýde.
Osyndaı izgilikti istiń bir parasy Aqmola oblysynyń Qorǵaljyn aýdanynda ótti. Elimiz boıynsha bıyl Tuńǵysh Prezıdent Qory oqýshylarǵa mektepke qajetti 500 sómke ázirlep, taratty. Árıne, olardyń bir bóligi osy aıtýly shara uıymdastyrylǵan qorǵaljyndyq oqýshylarǵa tıdi.
Bıylǵy syılyqtyń jyldaǵydan bir ereksheligi – sómke ishi balalardyń sporttyq kıimimen tolyqtyrylǵan. Oǵan qosa, sómkeler jaryq shaǵylystyratyn elementtermen jabdyqtalǵan eken. Bul erekshelik balanyń joldan óterdegi qaýipsizdigine asa qajet dúnıe. Sondaı-aq ár sómkege tótenshe jaǵdaı kezinde qajet qaýipsizdik jadynamasy, qalta shamy, dabyl quraly (ysqyryq) salynǵan.
Osy sharýanyń basy-qasynda júrgen Qazaqstannyń Tuńǵysh Prezıdenti – Elbasy Qorynyń aǵa úılestirýshisi Gúlnara Ershimanova az qamtamasyz etilgen jáne kóp balaly otbasylardan shyqqan oqýshylardy barynsha qamtý dástúrge aınalǵanyn jetkizdi.
– Qazaqstannyń Tuńǵysh Prezıdenti – Elbasy Qory sońǵy 10 jyl ishinde «Mektepke jol» aksııasy aıasynda elimizdiń barlyq aımaqtarynan 9 myń balaǵa mektep sómkeleri men keńse taýarlary túrinde materıaldyq kómek kórsetti. Mektep sómkeleri tek qalalar ǵana emes, sonymen qatar elimizdiń osy aımaqtarynyń shalǵaıdaǵy aýyldaryna da jetkizildi, – dedi G.Ershimanova.
Bıyl «Mektepke jol» keń aýqymdy aksııasy Aqmola oblysy Qorǵaljyn aýylynda uıymdastyrylǵan «Uly dala mádenıetindegi qustardyń sımvolıkasy» atty respýblıkalyq shyǵarmashylyq festıvali barysynda uıymdastyryldy. Festıvalge Reseı Federasııasy jáne Qyrǵyz Respýblıkasynyń ókilderin qosqanda 150 bala qatysty.
Joba – Elbasy Qorynyń Úkimettik emes uıymdarǵa arnalǵan jyl saıynǵy Áleýmettik ıdeıalar jáne jobalar is-sharasynyń 2018 jylǵy jeńimpazy. Festıval balalardyń dúnıetanymyn, jastardyń gýmanıstik tárbıesin qalyptastyrýǵa, ulttyq mádenıetti nasıhattaýǵa, patrıottyq sezimdi qalyptastyrýǵa, balalar men jastardyń shyǵarmashylyq, ıntellektýaldyq, rýhanı, fızıkalyq damýyna yqpal etýge baǵyttalǵan.
Qazirgi álemdegi bul faktor ǵylym men gýmanıtarlyq ǵylymdardyń ózara árekettesýin arttyrý-da óte mańyzdy.
– Áleýmettik ıdeıalar jármeńkesi bastalǵan kezden 250 áleýmettik joba iske asyryldy. Festıvaldiń biregeıligi balalardyń ekologııaǵa nazaryn aýdaryp, jastardyń boıyna adamgershilik sezimin sińirý. Qazirgi zamanda bul ǵylymı-jaratylystaný jáne gýmanıtarlyq bilimderdiń yntymaqtastyǵynyń birden bir kúshi, – deıdi Qazaqstannyń Tuńǵysh Prezıdenti – Elbasy Qorynyń aǵa úılestirýshisi.
Is-shara barysynda qyzyqty trenıngter, túrli semınarlar jáne sporttyq týrnırler ótti. Qolóner dúkeninde sheberler qolóner boıynsha sabaq ótkizdi. Aýdan stadıonynda sporttyq oıyndar ótti.
Sonymen qatar oblys ákiminiń kýbogy úshin jastar arasynda sporttyq týrızm boıynsha týrnır uıymdastyryldy. Festıval qonaqtary jergilikti baǵdarlaý boıynsha jalpy bilim alyp, jarystarǵa da qatysty.
Barlyq saıystardyń jeńimpazdaryna Alǵys hattar men estelik syılyqtar tabys etildi.