Rýhanı jańǵyrýymyzdyń bir dálelindeı jastar men jasósipirimder boıynda mádenıetimizdi, tarıhymyzdy, ádebıetimizdi keńinen nasıhattaý maqsatyndaǵy ıgi shara mektep oqýshylary arasynda bastalmaq. Atalǵan taqyryptaǵy baıqaý M.O.Áýezov atyndaǵy Ádebıet jáne óner ınstıtýty tarapynan 2012 jyldan beri daryndy oqýshylar arasynda uıymdastyrylyp keledi. Dástúrli baıqaýdyń maqsaty - Muhtar Áýezovtiń shyǵarmashylyq murasyn jastar arasynda nasıhattaý, jasóspirimderdi kórkem ádebıetke baýlý, ǵylymı zertteý júrgizýdiń daǵdy-mashyqtaryn qalyptastyrý jáne memlekettik tildi damytý.
Baıqaýǵa shyǵarmalar joldaǵandar myna talaptardy eskerý qajet: shyǵarma memlekettik tilde (qazaq tilinde) jazylýy tıis; shyǵarma konkýrsqa qatysýshynyń derbes ǵylymı-shyǵarmashylyq izdenisteriniń nátıjesi bolýy tıis; - shyǵarma avtory 9-11 synyp oqýshysy bolýy kerek; - shyǵarma kólemi A4 formatynda (qarip – Times New Roman, 14 kegl, jol aralyǵy – 1) 3-5 betten aspaýy tıis; shyǵarma mátininiń joǵarǵy oń jaǵynda talapkerdiń tolyq aty-jóni men naqty meken-jaıy (baılanys telefon mindetti túrde), synyp, mektep ataýy tolyq kórsetilýi tıis.
Talapkerler shyǵarmany «M.Áýezovtiń tulǵalyq jeti qyry» erkin taqyrybynda joldaı alady. Konkýrsqa usynylǵan shyǵarmalar 2019 jyldyń 24 qyrkúıegine deıin qabyldanady. Konkýrsqa qabyldanǵan shyǵarmalar antı-plagıat baǵdarlamasy boıynsha tekserýden ótedi.
Júldeli oryndarǵa ıe bolǵan oqýshylar men olardyń jetekshi ustazdary 2019 jyldyń 27 qyrkúıeginde ótetin M.O.Áýezovtiń týǵanyna 122 jyl tolýyna arnalǵan jas ǵalymdardyń «HVI M.O.Áýezov oqýlary» atty ǵylymı-tájirıbelik konferensııasynda marapattalady. Úzdik shyǵarmalar konferensııa materıaldarynyń jınaǵynda jarııalanady.
Konkýrsqa qatysatyn oqýshylar óz jumystaryn 050010, Almaty qalasy, M.Tólebaev kóshesi 185, «M.O.Áýezov úıi» ǵylymı-mádenı ortalyǵy myna meken-jaıyna jiberýi tıis. Baılanys telefondary +7 (727) 261-22-27; domauezov@mail.ru
ALMATY