Premer-Mınıstrdiń tóraǵalyǵymen ótken Úkimet otyrysynda Memleket basshysynyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» joldaýyn iske asyrý sharalary talqylandy. QR Premer-Mınıstriniń orynbasary Jeńis Qasymbek turǵyn úı, sýmen jabdyqtaý, kóp páterli úılerdi kúrdeli jóndeýden ótkizý, avtojoldar, avıabıletterdiń qoljetimdiligi máseleleri jóninde baıandady. Bul týraly primeminister.kz habarlady.
Qazirgi tańda baspana alý úshin ákimdikterde 512 myńǵa jýyq adam kezekte tur. Kezektilikti biryńǵaı esepke alý tapsyrmanyń aıasynda jyldyń sońyna deıin Kezekte turǵan adamdardyń biryńǵaı respýblıkalyq bazasy engiziledi. «Nurly jer» baǵdarlamasyn iske asyrý aıasynda, birinshi kezekte kóp balaly otbasylarǵa jalǵa beriletin baspanalar beriledi.
«Bul úshin biz 2025 deıin jyl saıyn 50 mlrd teńge bólemiz. Jyl saıyn 3,7 myń kezekte turǵan áleýmettik jaǵynan osal adamdardy satyp alýsyz jalǵa beriletin turǵyn úımen qamtamasyz etýge 32,8 mlrd teńgeden bólý qarastyrylǵan. “Baqytty otbasy” baǵdarlamasy boıynsha 6 myń nesıe berýge Turǵyn úı qurylys jınaq banki arqyly úsh jylda 50 mlrd teńge qarjylandyrylady», — dedi J. Qasymbek.
Úkimetke 2023 jylǵa qaraı halyqtyń sapaly aýyz sýǵa 100% qoljetimdiligin qamtamasyz etý maqsaty júkteldi. 2019 jyly 97% qala turǵyndary jáne 87% aýyl turǵyndary ortalyqtandyrylǵan sýmen qamtamasyz etiletin bolady.
«Nurly jer» jańa baǵdarlamasyndaǵy aýyz sýmen qamtamasyz etý sharalarynda «Aýyl – El Besigi» jobasynda anyqtalǵan óńirlik saıasattyń basymdylyqtary eskeriledi.
«Ortalyqtandyrylǵan sýmen eń kóp sany jáne joǵary áleýeti bar aýyldar basym tártippen qamtamasyz etiletin bolady, al 200 adamǵa deıin turatyn eldi mekenderde sýmen jabdyqtaýdyń jergilikti júıeleri qoldanylatyn bolady. Respýblıkalyq bıýdjette 2020 jyldan 2022 jylǵa deıin osy maqsattarǵa 250 mlrd teńge kózdeldi. Respýblıka boıynsha qazirgi tańda 18,1 myń úı kúrdeli jóndeýdi talap etedi. Memleket basshysynyń tapsyrmasyna sáıkes 780 kóp páterli turǵyn úıdi jóndeýge qosymsha 30 mlrd teńge qarastyrady», — dedi QR Premer-Mınıstriniń orynbasary.
Avtojol salasynda qazirgi ýaqytta «Nurly jol» memlekettik baǵdarlamasyn 2025 jylǵa deıin uzartý jumystary aıaqtalýda. Baǵdarlama sheńberinde elimizdiń biryńǵaı kólik júıesi qalyptasady.
Memleket basshysynyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» joldaýynyń máseleleriniń biri — avıa bıletterdiń qoljetimdiligi máselesi. Tasymaldaý syıymdylyǵynyń tapshylyǵy jáne bar suranysty qanaǵattandyrý úshin áýe kemelerdiń jetispeýshiligi áýe bıletteriniń joǵary quny bolýynyń eń basty problemasy bolyp tur.
Tarıfterdiń qunyn túsirý maqsatynda bıylǵy mamyr aıynda birinshi otandyq tómen bıýdjetti «Fly Arystan» tasymaldaýshy jumysyn bastady. Aǵymdaǵy jyldyń sońynda «Fly Arystan» oryndalatyn reıster sanyn kúnine 14-ten 28 jıilikke deıin arttyrýdy josparlap otyr.
«Sonymen qatar “Samuryq-Qazyna” ulttyq ál-aýqat qory» Aksıonerlik qoǵamymen birige otyryp, Úkimet áýe kemeleri parkin ulǵaıtý maqsatynda “Eır Astana” jáne “Qazaq Air” avıakompanııalaryn qosymsha kapıtaldandyrýdy josparlap otyr. Sonymen qatar, qazaqstandyq munaı óndeý zaýyttardyń aıaqtalǵan jańǵyrtýyn esepke ala otyryp, áýe otynnyń baǵasyn tómendetý boıynsha jumys jalǵastyrylatyn bolady. Temir jol bıletteriniń jetispeýshiliginiń aldyn alý maqsatynda bıletterdi satýdy sıfrlandyrý júrgizilýde, bıletterdi satý tártibin retteıtin norma engizildi, temir jol kóligimen jolaýshylardy tasymaldaý júıesin jetildirý jospary jasaldy», — dedi J. Qasymbek.
«Aýyl – El besigi» jobasynyń sheńberinde halyqaralyq sarapshylarmen jáne óńirlermen birlesip aýyldardyń áleýetin anyqtaýdyń jańa ádistemesi ázirlendi. Sonyń nátıjesinde damý áleýeti bar 3,5 myń aýyl irikteldi. Bul aýyldarda 6,6 mln adam nemese elimizdiń aýyl halqynyń 85%-y turady. Aǵymdaǵy jyly 30 mlr teńge bólindi, olar 700 myńǵa jýyq adam turatyn 53 aýyldyń birinshi kezektegi ınfraqurylymdyq máselelerin sheshýge baǵyttalǵan.
QR Premer-Mınıstriniń orynbasarynyń aıtýynsha, Qazaqstan Respýblıkasynyń Prezıdenti Qasym-Jomart Kemeluly Toqaevtyń tapsyrmasy boıynsha «Aýyl – El besigi» jobasyn iske asyrýǵa 2020-2022 jyldarǵa qosymsha 90 mlrd teńge bólinetin bolady.
Sonymen birge, jyl sońyna deıin Indýstrııalandyrýdyń 2020-2025 jyldarǵa arnalǵan memlekettik baǵdarlamasy qabyldanady. Baǵdarlamany iske asyrý nátıjesinde eńbek ónimdiliginiń 1,7 ese naqty ósýi, óńdeý ónerkásibi eksporty kóleminiń 2,3 ese ósýi, negizgi kapıtalǵa ınvestısııalardyń 2,3 ese naqty ósýi bolady.