Táýelsizdik Saraıynda Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń birinshi otyrysy bastaldy. Bul týraly Aqordanyń baspasóz qyzmeti habarlady.
«Búgin dál osyndaı jańa formatta kezdesip otyrǵanymyzdyń ózi oń ózgeristerge bárimizdiń múddeli ekenimizdi kórsetedi. Halyq bizden naqty usynystar men nátıje kútip otyr.Ulttyq qoǵamdyq senim keńesi osy mindetti oıdaǵydaı júzege asyratyn biregeı qurylymǵa aınalady dep senemin. Biz halyq senimin aqtaýymyz kerek. Árbir azamattyń múddesi biz úshin óte mańyzdy», dedi Prezıdent.
Keńestiń negizgi maqsaty – jurtshylyqtyń, saıası partııalardyń, azamattyq qoǵam ókilderiniń qatysýymen memlekettik saıasatqa qatysty ózekti, mańyzdy máseleler boıynsha bastamalardy, usynystardy tujyrymdaý. Sonymen qatar tujyrymdamalardyń, memlekettik baǵdarlamalar men normatıvtik-quqyqtyq aktilerdiń jobalaryna qoǵamdyq saraptama júrgizý, jurtshylyqtyń, azamattyq qoǵamnyń pikirin eskere otyryp mańyzdy strategııalyq problemalardy qaraý, syndarly dıalogty qamtamasyz etý – keńestiń negizgi mindetteri.
Sharaǵa Keńes músheleri men BAQ ókilderi qatysyp jatyr.