Qazaqstanda aǵymdaǵy jyldyń mamyr aıynan qyrkúıek aıyna deıin barlyq qarjylandyrý kózderinen 2743 kóp balaly otbasy jalǵa beriletin turǵyn úıdiń kiltin aldy. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Qurylys jáne turǵyn úı-kommýnaldyq sharýashylyq isteri komıtettiń málimetteri boıynsha, eń kóp jalǵa beriletin páterler Shyǵys Qazaqstan oblysynda (366) berildi, ekinshi orynda kóp balaly otbasylardy turǵyn úımen qamtamasyz etý boıynsha Pavlodar oblysy (323), úshinshi orynda Almaty qalasy (322) tur.
Al elimizdiń batys óńirlerinde Aqtóbe oblysynda 31, Batys Qazaqstan oblysynda 42 jáne Mańǵystaý oblysynda 9 otbasyǵa jańa úıdiń kilti tabystalǵan.