Qazaqstannyń basym bóliginde qubylmaly kún raıy saqtalady. Jekelegen óńirlerde jańbyr, naızaǵaı, ekpindi jel, burshaq kútiledi. Soltústikte jáne ortalyqta tuman bolsa, batys jáne ońtústikte senbi jaýyn-shashynsyz ótetini boljanady. Bul týraly «Qazgıdromet» RMK habarlady.
Qaraǵandy oblysynyń keı jerinde jel 15-20 m/s kúsheıedi, burshaq jaýýy yqtımal, túnde jáne tańerteń jekelegen aýmaqtarynda tuman kútiledi.Soltústik Qazaqstan oblysynyń keı jerinde jel 15-20 m/s kúsheıedi, túnde jáne tańerteń tuman boljanady.Qostanaı, Aqmola, Shyǵys Qazaqstan, kúndiz Túrkistan, Pavlodar oblystarynyń keı jerinde jel 15-20 m/s kúsheıedi. Aqmola jáne Pavlodar oblystarynda tuman kútiledi. Sondaı-aq Túrkistan, Atyraý, Qyzylorda, Jambyl, Qaraǵandy oblystarynyń keı jerinde, Almaty jáne Aqtóbe oblystarynyń jekelegen aýdanynda óte joǵary órt qaýpi saqtalady.