Energetıka vıse-mınıstri M. Júrebekov bastaǵan Qazaqstan Respýblıkasynyń delegasııasy OPEK+ elderiniń óndirý kólemin erikti qysqartý týraly kelisimi Mınıstrlik monıtorıng komıtetiniń 16-shy otyrysyna qatysty. Bul týraly mınıstrliktiń baspasóz qyzmeti habarlady.
Otyrys barysynda qatysýshylar munaıdyń álemdik munaı naryǵyn turaqtandyrýǵa baǵyttalǵan birlesken is-sharalardy talqylady jáne Kelisimge qatysýshy eldermen óz mindettemeleriniń oryndalýyna qanaǵattanǵandyq bildirdi. Otyrysqa qatysýshylar buryn qabyldanǵan kelisimderge ózderiniń adaldyǵyn jáne munaı óndirýdi qysqartý boıynsha óz mindettemelerin odan ári oryndaýǵa nıetti ekenin rastady.
Esterińizge sala keteıik, aǵymdaǵy jyldyń 2 shildesinde OPEK+ Kelisimine qatysýshy elder OPEK+ Kelisimin 2019 jylǵy 1 shildeden bastap 9 aıǵa uzartý arqyly munaı óndirýdiń jıyntyq kólemin 2018 jylǵy qarashadaǵy deńgeıine qatysty táýligine 1,2 mln barrelge tómendetý týraly kelisti. Qazaqstan úshin bul uzartý táýligine 1,86 mln barrelden aspaıtyn deńgeıde ortasha óndirýdiń saqtalýyn bildiredi.
Osy jyldyń segiz aıynyń qorytyndysy boıynsha Qazaqstanda ortasha táýliktik óndirý táýligine 1,8 mln barr. qurady. Osylaısha, Qazaqstan Kelisim sheńberindegi óz mindettemelerin tolyǵymen oryndady.
Qazaqstan OPEK+ elderimen jáne MEEU-ǵa kirmeıtin memlekettermen belsendi yntymaqtastyqty ornatty. Yntymaqtastyqtar álemdik munaı naryǵyn turaqtandyrýǵa jáne munaı ındýstrııasy ınvestorlarynyń senimdiligin qalpyna keltirýge baǵyttalǵan.
OPEK+ kelisimi munaı kotırovkalarynyń ósýine aıtarlyqtaı áser etti jáne barreline 60-70 AQSh dollary shamasynda turaqtanýǵa múmkindik berdi.