Qorǵanys mınıstri Prıozersk pen Balqash garnızondaryna kelip, olardyń ishki aýmaǵynda shoǵyrlanǵan Qurlyq áskerleri men Áýe qorǵanysy kúshteriniń áskerı bólimderin tekserdi. Bul týraly vedomstvonyń baspasóz qyzmeti habarlady.
Prıozersk jáne Balqash garnızondarynda olardyń geografııalyq ornalasýyn eskere otyryp, Qarýly Kúshterdiń múddesinde strategııalyq mindetter júktelgen áskerı bólimder ornalasqan. Olardyń ártúrli arnalymy bar. Atap aıtqanda, artıllerııalyq bólimder, qamtamasyz etý polki jáne basqalary.
Atalǵan garnızondar Qazaqstannyń Qarýly Kúshteri Joǵarǵy Bas qolbasshysy stavkasynyń rezervisi bolatyn «Astana» óńirlik qolbasshylyǵynyń quramyna kiredi. О́ńirlik qolbasshylyq Aqmola, Qaraǵandy, Qostanaı jáne Soltústik Qazaqstan oblystary ákimshilik shekaralarynyń aımaǵynda ornalasqan. Áskerı bólimderden basqa munda bólimsheler is júzinde ártúrli qarýly qaqtyǵystardyń ssenarıılerin pysyqtaıtyn Qurlyq áskerleriniń oqý-jattyǵý ortalyǵy, sonymen qatar ushý quramyn daıyndaıtyn Áýe qorǵanysy kúshiniń ortalyǵy men «Jas ulan» respýblıkalyq áskerı mektebi bar.
Prıozersk pen Balqash garnızondarynyń áskerı bólimderinde qorǵanys vedomstvosynyń basshysy jaýyngerlik mashınalar parkin, qarý-jaraq qoımasy men áskerı tehnıkalardy, basqarý pýnktterin tekserdi, sondaı-aq aımaqtardy aralap shyqty.