Qazaqstan Respýblıkasy Ishki ister mınıstrliginiń buıryǵy №620

1. «Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý erejesin bekitý týraly» Qazaqstan Respýblıkasy Ishki ister mınıstriniń 2011 jylǵy 26 sáýirdegi № 186 buıryǵyna (Normatıvtik quqyqtyq aktilerdi memlekettik tirkeý tiziliminde № 6977 bolyp tirkelgen, «Kazahstanskaıa pravda» gazetiniń 2011 jylǵy 8 maýsymda № 180 (26601) sanynda jarııalanǵan) mynadaı ózgeris engizilsin:

kórsetilgen buıryqpen bekitilgen Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna qabyldaý erejesi:

mynadaı mazmundaǵy 2-1-tarmaqpen tolyqtyrylsyn:

«2-1. Osy Ereje Qazaqstan Respýblıkasy Ishki ister mınıstrligi Ishki áskerleriniń áskerı oqý oryndaryn qospaǵanda, Qazaqstan Respýblıkasy Ishki ister mınıstrliginiń joǵary oqý oryndaryna oqýǵa qabyldaý tártibin retteıdi.».

2. Qosa berilip otyrǵan Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrligi Ishki áskerleriniń bilim berý uıymdaryna oqýǵa qabyldaý qaǵıdasy bekitilsin.

3. Qazaqstan Respýblıkasy Ishki ister mınıstrliginiń Ishki áskerler komıteti osy buıryqty Qazaqstan Respýblıkasy Ádilet mınıstrliginde belgilengen tártippen memlekettik tirkeýdi jáne merzimdik basylymdarda jarııalaýdy qamtamasyz etsin.

4. Osy buıryqtyń oryndalýyn baqylaý Qazaqstan Respýblıkasy Ishki ister mınıstrliginiń Ishki áskerler qolbasshysyna (R.F. Jaqsylyqov) júktelsin.

5. Osy buıryq alǵash resmı jarııalanǵan kúninen bastap kúntizbelik on kún ótken soń qoldanysqa engiziledi.

Mınıstr polısııa general-leıtenanty Q. Qasymov.

 

Qazaqstan Respýblıkasy Ishki ister mınıstriniń 2012 jylǵy 21 qarasha №620 buıryǵymen bekitilgen

 

Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrligi Ishki áskerleriniń bilim berý uıymdaryna oqýǵa qabyldaý qaǵıdasy

 

1. Jalpy erejeler

1. Osy Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrligi Ishki áskerleriniń bilim berý uıymdaryna oqýǵa qabyldaý qaǵıdasy (budan ári – Qaǵıda) Qazaqstan Respýblıkasynyń «Qazaqstan Respýblıkasy Ishki ister mınıstrliginiń Ishki áskerleri týraly», «Áskerı qyzmet jáne áskerı qyzmetshilerdiń mártebesi týraly», «Bilim týraly» zańdaryna, Qazaqstan Respýblıkasy Úkimetiniń 2012 jylǵy 19 qańtardaǵy № 111 qaýlysymen bekitilgen Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdasyna sáıkes ázirlendi jáne Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrligi Ishki áskerleriniń bilim berý uıymdaryna (budan ári – áskerı oqý orny) oqýǵa kandıdattardy qabyldaý tártibin aıqyndaıdy.

2. Áskerı oqý oryndaryna:

1) oqýǵa túsetin jyly on jetige tolǵan, biraq jıyrma bir jastan aspaǵan, áskerı qyzmet ótkermegen Qazaqstan Respýblıkasynyń azamattary;

2) áskerı qyzmet ótkergen azamattar jáne merzimdi áskerı qyzmettegi áskerı qyzmetshiler oqýǵa túsetin jyly jasy jıyrma tórtke deıin;

3) kelisimshart boıynsha áskerı qyzmetshiler jasy jıyrma beske tolǵanǵa deıin;

4) Qazaqstan Respýblıkasy ratıfıkasııalaǵan qoldanystaǵy halyqaralyq kelisimsharttar men kelisimder negizinde shetel memleketteriniń azamattary qabyldanady.

3. Áskerı oqý oryndaryna oqýǵa kandıdattardy irikteý Qazaqstan Respýblıkasy IIM Ishki áskerleriniń áskerı oqý ornyna qabyldaý josparyna (budan ári – qabyldaý jospary) sáıkes júzege asyrylady.

4. Qabyldaý josparyn Qazaqstan Respýblıkasy IIM Ishki áskerler komıteti jyl saıyn 30 qańtarǵa deıin ázirleıdi.

5. Qabyldaý josparynan úzindi Qazaqstan Respýblıkasy IIM Ishki áskerleriniń quramalary men áskerı bólimderiniń komandırlerine oqýǵa túsetin jyldyń 15 aqpanyna deıin jetkiziledi.

6. Quramalar men áskerı bólimderdiń komandırleri qabyldaý josparyn alysymen, mynadaı jumystardy júrgizedi:

1) áskerı qyzmette turmaǵan azamattardy áskerı kásiptik beıimdeý jónindegi jumysqa qatysady;

2) kandıdattarǵa áskerı oqý oryndaryna oqýǵa túsetin adamdarǵa qoıylatyn talaptar jetkizedi;

3) oqýǵa túsetin jyldyń 15 mamyryna deıin áskerı oqý oryndaryna oqýǵa kandıdattardy aldyn ala irikteý jónindegi jumysty uıymdastyrady;

4) merzimdi qyzmettegi áskerı qyzmetshiler arasyndaǵy kandıdattarmen keshendi testileýge daıyndyqty uıymdastyrady.

7. Úgit sharalaryna qatysý úshin áskerı oqý oryndarynyń ókilderi oqý oryndarynyń turmys-tirshiligi týraly materıaldardy bere otyryp, áskerı bólimder men jergilikti áskerı basqarý organdaryna jiberiledi.

8. Áskerı oqý oryndaryna oqýǵa nıet bildirgen merzimdi qyzmettegi áskerı qyzmetshiler, kelisimshart boıynsha áskerı qyzmetshiler oqýǵa túsetin jyldyń 1 naýryzyna deıin 1-qosymshada kórsetilgen tizbe boıynsha áskerı oqý ornyna túsýge qajetti qujattardy usyna otyryp, áskerı bólimniń komandırine (bastyǵyna) ótinish bildiredi.

9. Áskerı qyzmette turmaǵan jáne áskerı oqý oryndaryna oqýǵa túsýge nıet bildirgen azamattar turǵylyqty orny boıynsha Qazaqstan Respýblıkasy IIM Ishki áskerleriniń áskerı bólimi komandıriniń (bastyqtyń) atyna tıisti ótinish, sondaı-aq osy Qaǵıdaǵa 1-qosymshaǵa sáıkes tizbe boıynsha áskerı oqý ornyna túsýge qajetti qujattardy tapsyrady.

10. Áskerı bólimderdiń komandırleri áskerı oqý oryndaryna túsýge kandıdattarǵa áskerı-dárigerlik komıssııadan ótýge osy Qaǵıdaǵa 2-qosymshaǵa sáıkes nysan boıynsha joldama beredi.

11. Irikteýden ótý úshin kandıdattardyń áskerı oqý oryndaryna kelý ýaqyty jáne orny týraly áskerı oqý ornynyń qabyldaý komıssııasy oqýǵa túsetin jyldyń 1 shildesine deıin kandıdattarǵa Qazaqstan Respýblıkasy IIM Ishki áskerleriniń áskerı bólimderi arqyly habarlaıdy.

12. Merzimdi qyzmettegi áskerı qyzmetshiler belgilengen merzimde irikteýden ótý úshin áskerı oqý ornyna issaparǵa jiberiledi.

13. Kelisimshart boıynsha áskerı qyzmetshilerge áskerı oqý ornyna túsý úshin oqý demalysy usynylady.

14. Áskerı oqý ornyna kelgen barlyq kandıdattar tegin turý ornymen jáne tamaqpen qamtamasyz etiledi.

 

2. Áskerı oqý oryndaryna qabyldaýdy uıymdastyrý

15. Oqýǵa qabyldaýdy uıymdastyrýdy áskerı oqý ornynyń qabyldaý komıssııasy júzege asyrady.

16. Qabyldaý komıssııasynyń fýnksııasy, jumys isteý merzimi men quramy Qazaqstan Respýblıkasy IIM Ishki áskerler bas qolbasshysynyń jyl saıynǵy buıryǵymen aıqyndalady.

17. Qabyldaý komıssııasynyń tóraǵasy bolyp áskerı oqý ornynyń bastyǵy taǵaıyndalady.

18. Qabyldaý komıssııasy tóraǵasynyń sheshimimen komıssııa quramynan daýys berý quqyǵy joq jaýapty hatshy taǵaıyndalady.

19. Kandıdattardy irikteýdi jáne qabyldaýdy uıymdastyrý jónindegi sharalar keshenin júzege asyrý úshin áskerı oqý orny bastyǵynyń buıryqtarymen:

1) shtattan tys ýaqytsha áreket etetin áskerı-dárigerlik komıssııa;

2) kandıdattardyń dene shynyqtyrý daıarlyǵyn tekserý jónindegi komıssııa;

3) apellıasııalyq komıssııa;

4) tehnıkalyq top qurylady.

Shtattan tys ýaqytsha áreket etetin áskerı-dárigerlik komıssııa Qazaqstan Respýblıkasy Ishki ister mınıstriniń 2010 jylǵy 27 shildedegi        № 325 buıryǵymen bekitilgen Ishki ister organdarynda áskerı-dárigerlik saraptama ótkizý jónindegi nusqaýlyqqa (Normatıvtik quqyqtyq aktilerdi memlekettik tirkeý tiziliminde № 6407 bolyp tirkelgen) sáıkes, densaýlyq jaǵdaıy boıynsha oqýǵa túsýge jaramdylyǵyn anyqtaý maqsatynda kandıdattarǵa sońǵy medısınalyq kýálandyrýdy júrgizý úshin dáriger-mamandardyń qatysýymen Ishki ister mınıstrliginiń áskerı oqý ornynyń medısınalyq bólim bastyǵynyń tóraǵalyǵymen qurylady.

Dene shynyqtyrý daıarlyǵyn tekserý jónindegi komıssııa kandıdattardy dene shynyqtyrý kórsetkishteri boıynsha irikteýdi uıymdastyrý jónindegi sharalardy júzege asyrý úshin qurylady. Komıssııa quramyna áskerı oqý ornynyń dene shynyqtyrý daıarlyǵy jáne taktıkalyq-arnaıy daıarlyq kafedralarynyń qyzmetkerleri kiredi.

Appelıasııalyq komıssııa kandıdattardy dene shynyqtyrý kórsetkishteri men testileý boıynsha irikteý qorytyndysy boıynsha kandıdattardyń aryzdaryn qaraý úshin qurylady.

Tehnıkalyq top kandıdattardyń jeke jáne oqý isterin qabyldaý jáne óńdeý jónindegi sharalardy júzege asyrý úshin qurylady.

20. Kandıdattardy áskerı oqý ornyna oqýǵa qabyldaý úsh kezeńde júzege asyrylady:

birinshi kezeńde – áskerı oqý ornynyń qabyldaý komıssııasy kadrlardy daıarlaýdyń aýmaqtyq qaǵıdasyn eskere otyryp, medısınalyq, dene bitimi jáne psıhofızıologııalyq kórsetkishteri boıynsha irikteı otyryp,  kandıdattar kontıngentin qalyptastyrady;

ekinshi kezeńde – kandıdattardy biryńǵaı ulttyq testileý (budan ári – UBT) nemes Qazaqstan Res­pýblıkasy Bilim jáne ǵylym mınıstrliginiń Ulttyq testileý ortalyǵy ázirlegen tehnologııalar boıynsha júrgizilgen keshendik testileý nátıjeleri boıynsha berilgen sertıfıkattardyń baldaryna sáıkes irikteý;

úshinshi kezeńde – áskerı oqý oryndarynyń qabyldaý komıssııalary dene bitimi, medısınalyq, psıhofızıologııalyq irikteý nátıjeleri, UBT jáne keshendik testileý nátıjeleri boıynsha kýrsanttar qataryna tirkeýdi júrgizedi.

21. Qabyldaý tártibi týraly aqparat, qabyldaý komıssııasynyń qabyldaýdy uıymdastyrý jáne ótkizý jónindegi sheshimderi, emtıhandar men konsýltasııalar kestesi, durys jaýaptardyń kodtary, keshendik testileý nátıjeleri, sondaı-aq basqa da qajetti aqparattar kandıdattarǵa ýaqtyly jetkizý úshin aqparattyq taqtaǵa ornalastyrylady.

 

3. Kandıdattardy dene bitimi boıynsha irikteý tártibi

22. Qazaqstan Respýblıkasy IIM Ishki áskerleriniń Áskerı ınstıtýtyna oqýǵa túsýshilerge arnalǵan dene shynyqtyrý daıarlyǵy boıynsha normatıvter sáıkes osy Qaǵıdaǵa 3-qosymshaǵa sáıkes kandıdattardy dene bitimi kórsetkishteri boıynsha irikteý júrgiziledi jáne dene shynyqtyrý jattyǵýlaryn oryndaý nátıjeleri baǵalanady.

23. Dene shynyqtyrý boıynsha normatıvterdiń mazmuny jáne sport jattyǵýlaryn oryndaý sharttary kandıdattarǵa dene shynyqtyrý daıarlyǵy boıynsha irikteý ótkizilerden 24 saǵat buryn jetkiziledi.

24. Dene shynyqtyrý daıarlyǵy boıynsha normatıvterdi tapsyrýdy bastar aldynda dene shynyqtyrý daıarlyǵyn tekserý jónindegi komıssııa músheleri olarmen nusqaýlyq júrgizýi tıis, onyń barysynda olardy jattyǵýlardy oryndaý sharttarymen jáne qaýipsizdik tehnıkasymen qol qoıǵyza otyryp, tanystyrady.

25. Dene shynyqtyrý daıarlyǵy boıynsha normatıvterge qosylǵan sport jattyǵýlarynyń árbir túri jeke tapsyrylady.

26. Dene shynyqtyrý daıarlyǵy boıynsha normatıvterdi oryndaý úshin beltemirge tartylý jáne 100 metrge júgirý boıynsha bir ýaqytta keminde 3 kandıdat jiberiledi. 3000 metrge júgirýge bir ýaqytta keminde 10 adam qatysady.

27. Árbir sport jattyǵýyn tapsyrý nátıjelerin kandıdattardyń dene shynyqtyrý daıarlyǵyn tekserý jónindegi komıssııa músheleri jeke vedomosqa belgileıdi. Jattyǵýlardy oryndaý nátıjeleri belgilengennen keıin olardy qaıta tapsyrýǵa ruqsat etilmeıdi.

28. Dene shynyqtyrý jattyǵýlarynyń jekelegen túrlerin tapsyrý boıynsha vedomostardaǵy derekter negizinde dene bitimi kórsetkishteri boıynsha normatıvterdi oryndaýdyń jıyntyq hattamasy jasalady, ol áskerı oqý ornynyń qabyldaý komıssııasyna usynylady.

Jıyntyq hattamada qandaı da bir kandıdattardyń dene shynyqtyrý daıarlyǵy boıynsha normatıvti tapsyrǵany nemese tapsyrmaǵany týraly qorytyndy bolýy tıis jáne bir saǵattyń ishinde osy málimetter kandıdattarǵa jetkiziledi jáne aqparattyq taqtaǵa ilinedi.

29. Dene shynyqtyrý daıarlyǵy boıynsha synaqtyń nátıjesimen kelispeıtin kandıdat apellıasııaǵa aryz bere alady.

Dene shynyqtyrý daıarlyǵy boıynsha normatıvtiń nátıjelerine baılanysty máselelerdi qaraýǵa arnalǵan apellıasııalyq komıssııa quramy áskerı oqý orny bastyǵynyń buıryǵymen bekitiledi.

30. Apellıasııaǵa aryzdy kandıdattyń jeke ózi apellıasııalyq komıssııaǵa dene shynyqtyrý daıarlyǵy boıynsha nátıjeler jarııalanǵannan keıin kelesi kúngi 13 saǵatqa deıin tapsyrady jáne apellıasııalyq komıssııa bir jumys kúni ishinde qaraıdy. Aryzdanýshyda ózimen birge jeke basyn kýálandyratyn qujat bolýy tıis.

31. Aryzdy qaraý nátıjeleri boıynsha kandıdatqa onyń qalaýy boıynsha dene shynyqtyrý jattyǵýlarynyń bireýin qaıta tapsyrý quqyǵy beriledi.

32. Apellıasııalyq komıssııanyń sheshimi komıssııa quramy daýysynyń kópshiligimen qabyldanady. Apellıasııalyq komıssııanyń jumysy hattamamen rásimdeledi, oǵan komıssııa tóraǵasy jáne komıssııanyń barlyq músheleri qol qoıady. Apellıasııalyq komıssııa sheshiminiń nátıjeleri boıynsha aryzdanǵan kandıdatqa apellıasııalyq komıssııa otyrysynyń hattamasynan úzindi beriledi.

 

4. Keshendi testileýdi ótkizý

33. Kandıdattardy keshendik testileý testileýdi ótkizý pýnktteri bazasynda (bazalyq joǵary oqý oryndarynda) Úlgi erejege sáıkes ótkiziledi.

34. Keshendi testileý Úlgi erejeniń 5-tarmaǵynda anyqtalǵan tulǵalar úshin júrgiziledi.

35. Áskerı oqý ornyna túsetin kandıdattar keshendik testileýdi qazaq jáne orys tilderinde orta bilim baǵdarlamasy kóleminde tapsyrady. Salalyq pán «fızıka» bolyp tabylady.

36. Keshendik testileýdi qaıta tapsyrýǵa jol berilmeıdi, medısınalyq jáne psıhofızıo­logııalyq kórsetkishter boıynsha qaıta irikteý júrgizilmeıdi.

5. Áskerı oqý ornyna tirkeý

37. Áskerı oqý oryndaryna tirkeý mandattyq komıssııanyń otyrysynda medısınalyq, dene bitimi jáne psıhofızıologııalyq kórsetkishteri boıynsha derekterdi jáne qabyldaý josparynda anyqtalǵan qabyldaý oryndaryn eskere otyryp, sertıfıkat baldaryna sáıkes konkýrs boıynsha júrgiziledi.

38. Áskerı oqý ornynyń  tyńdaýshylary qataryna tirkeýge konkýrs ótkizý kezinde memlekettik bilim tapsyrysy negizinde basymdyq quqyǵyna:

1) «Altyn belgi» belgisimen nagradtalǵan tulǵalar;

2) avtonomdy bilim berý uıymdarynyń bilimi týraly qujaty bar tulǵalar;

3) sońǵy úsh jylda jalpy bilim berý pánderi boıynsha halyqaralyq olımpıada jáne ǵylymı jarystardyń (birinshi, ekinshi jáne úshinshi dárejedegi dıplommen nagradtalǵan), respýblıkalyq jáne halyqaralyq oryndaýshylar konkýrstarynyń jáne sporttyq jarystardyń (birinshi, ekinshi jáne úshinshi dárejedegi dıplommen nagradtalǵan) jeńimpazdary, olardyń tizbesin bilim berý salasyndaǵy ókileti anyqtaıdy, sondaı-aq aǵymdaǵy jyly jalpy bilim berý pánderi boıynsha Prezıdenttik, respýblıkalyq olımpıadalardyń jáne ǵylymı jarystardyń jeńimpazdary (birinshi, ekinshi jáne úshinshi dárejedegi dıplommen nagradtalǵan), olardyń tańdaǵan    mamandyqtary olımpıada, konkýrs nemese sporttyq jarystardyń pánderine sáıkes kelgen jaǵdaıda ıe bola alady.

39. UBT sertıfıkattarynyń nemese keshendi testileýdiń ball kórsetkishteri birdeı bolǵan jaǵdaıda oqýǵa tirkelýge basymdyq quqyqqa:

jetim balalar jáne ata-analarynyń qamqorlyǵynan aıyrylǵan balalar;

úzdik bilimi týraly qujattary (attestat, kýálik, dıplom) bar tulǵalar;

«Jas ulan» respýblıkalyq mektebin bitirgender;

áskerı daıarlyq boıynsha qosymsha baǵdarlamasy bar bilim berý uıymdarynda tárbıelengender;

qyzmet ótkerý kezinde qaza tapqan, habarsyz ketken nemese áskerı qyzmet ótkerý kezinde múgedektik alǵan áskerı qyzmetshilerdiń balalary ıe bolady.

40. Kýrsanttardy Qazaqstan Respýblıkasy IIM Ishki áskerleriniń áskerı oqý ornyna tirkeý áskerı oqý orny bastyǵynyń buıryǵymen júrgiziledi.

41. Kýrsanttardy tirkeý týraly buıryqtardan úzindi qol qoıylǵannan keıin kúntizbelik on kún ishinde bólim tiziminen alyp tastaý úshin áskerı bólimderge jiberiledi,  sondaı-aq kandıdattardy áskerı esepten alyp tastaý jáne Qazaqstan Respýblıkasy Ishki ister mınıstrliginde arnaıy esepke qoıý úshin qorǵanys isteri jónindegi departamentterge, aýdandyq (qalalyq) qorǵanys isteri jónindegi basqarmalarǵa joldanady.

42. Oqýǵa qabyldanbaǵan kandıdattardyń jeke isterin keri qaıtara otyryp jáne tirkelmeý sebebin kórsete otyryp: áskerı qyzmetshiler – burynǵy qyzmet ornyna; azamattyq jastar arasynan kelgen tulǵalar – turǵylyqty orny boıynsha qorǵanys ister jónindegi aýdandyq (qalalyq) basqarmalaryna jiberiledi.

43. Qabyldaý komıssııasynyń jumysy aıaqtalǵannan keıin áskerı oqý ornynyń bastyǵy Qazaqstan Respýblıkasy IIM Ishki áskerler komıtetine kýrsanttardy qabyldaý júrgizilgeni týraly esepti usynady.

44. Osy Qaǵıdada reglamenttelmegen máselelerdi Qazaqstan Respýblıkasynyń «Bilim týraly», «Qazaqstan Respýblıkasy Ishki ister mınıstrliginiń Ishki áskerleri týraly» zańdaryna sáıkes qabyldaý komıssııasy sheshedi.

 

Joǵary bilim berýdiń kásiptik oqý  baǵdarlamalaryn iske asyratyn Qazaqstan  Respýblıkasy Ishki ister mınıstrligi Ishki  áskerleriniń bilim berý uıymdaryna  oqýǵa qabyldaý qaǵıdasyna 1- qosymsha

 

Áskerı oqý ornyna oqýǵa túsýge qajetti qujattar tizbesi

1. О́tinish (baıanat).

2. О́mirbaıan.

3. Áskerı bólimniń kadr apparaty rastaǵan saýalnama.

4. Jumys nemese oqý (áskerı qyzmet) ornynan minezdeme.

5. Turǵylyqty orny boıynsha tirkeý týraly anyqtama.

6. 3,5*4,5 kólemdegi fotosýret – 6 dana, 9*12 kólemdegi fotosýret – 1 dana (áskerı bólimniń kadr apparaty rastaýy tıis).

7. Ýchaskelik ınspektordan, kórshilerinen pikirler.

8. Jaqyn týystarynyń (ákesi, sheshesi, aǵalary, apalary) jeke kýálikteri men týý týraly kýálikteriniń kóshirmeleri.

9. Qujattarynyń kóshirmeleri (túpnusqalary salystyrý úshin):

- osy qujattarǵa qosymshalary bar attestat nemese dıplom (orta mektep oqýshylary úlgerimi týraly tabeldi, lıseı, kolledj oqýshylary – synaq kitapshasynyń kóshirmelerin usynady);

- jeke kýáligi;

- tirkelgen kýáligi nemese áskerı bıleti.

 

Eskertpe:

1. О́tinishte (baıanatta): tegi, aty, ákesiniń aty, týǵan kúni, bilimi, týǵan jeri, qandaı oqý ornyna, qandaı mamandyq boıynsha túskisi keletini, qajet bolǵan jaǵdaıda keshendik testileýdi qaı tilde tapsyratyny týraly kórsetiledi.

2. Kandıdat áskerı oqý ornyna kelgen soń jeke kýáligin, áskerı bıletin nemese tirkelgen kýáligin, orta bilimi týraly qujatty jáne biryńǵaı ulttyq testileýdi tapsyrǵany týraly memleket­tik sertıfıkatyn (aǵymdaǵy jyly tapsyrǵan mektep bitirýshiler) qabyldaý komıssııasyna usynady.

 

Joǵary bilim berýdiń kásiptik oqý  baǵdarlamalaryn iske asyratyn Qazaqstan  Respýblıkasy Ishki ister mınıstrligi Ishki  áskerleriniń bilim berý uıymdaryna  oqýǵa qabyldaý qaǵıdasyna 2- qosymsha

Nysan

Áskerı-dárigerlik komıssııaǵa

JOLDAMA

Meken-jaıy: _____________________________________

Laýazymy: _____________________________________________________

Áskerı ataǵy, T.A.Á. ____________________________________________

Týǵan jyly: ___________________________________________________

Kýálandyrýdyń maqsaty: Qazaqstan Respýblıkasy IIM Ishki áskerleriniń Áskerı ınstıtýtyna oqýǵa túsýge jaramdylyq deńgeıin anyqtaý.

Áskerı-dárigerlik komıssııanyń qorytyndysyn odan ári kadr bólimine usyný úshin qolyna berýińizdi suraımyn.

 

Kadr bóliminiń bastyǵy ___________________________________________

______________________________________________________________

(áskerı ataǵy, qoly, tegi, aty-jóni)

 

20 ___ j. «____» _______________

 

Joǵary bilim berýdiń kásiptik oqý  baǵdarlamalaryn iske asyratyn Qazaqstan  Respýblıkasy Ishki ister mınıstrligi Ishki  áskerleriniń bilim berý uıymdaryna  oqýǵa qabyldaý qaǵıdasyna 3- qosymsha

 

 

Qazaqstan Respýblıkasy IIM Ishki áskerleriniń Áskerı ınstıtýtyna oqýǵa túsýge arnalǵan dene shynyqtyrý daıarlyǵy boıynsha normatıvter

 

r/s

№

Jattyǵýlar

Baǵa

óte jaqsy

jaqsy

qanaǵattanarlyq

1

3000 metrge júgirý (mınýtpen)

12,15

12,45

13,30

2

100 metrge júgirý (sekýtpen)

14,0

14,2

14,8

3

Beltemirge tartylý (ret)

11

9

7

Eskertpe:

1. 3000 jáne 100 metrge júgirý stadıonnyń júgirý jolymen nemese kez-kelgen tegis alańmen joǵarǵy sóreden oryndalady.

2. Bir kúnde eki jattyǵýdan artyq oryndaýǵa jol berilmeıdi, kross (3000 metrge júgirý) basqa jattyǵýlardan bólek kelesi kúni oryndalady.

3. Áskerı qyzmetshilerdiń dene shynyqtyrý daıarlyǵy boıynsha baǵasy olardyń tekserýge arnalǵan barlyq jattyǵýlardy oryndaǵany úshin alǵan baǵalarynan quralady jáne anyqtalady:

«óte jaqsy» – eger jartysy jáne odan kóbi «óte jaqsy» degen baǵa, al qalǵandary – «jaqsy» degen bolsa;

«jaqsy» – eger jartysy jáne odan kóbi «jaqsy», al qalǵandary – «qanaǵattanarlyq» degen bolsa;

«qanaǵattanarlyq» – eger qanaǵattanarlyqsyz degen baǵasy bolmaı baǵalarynyń jartysynan kóbi «qanaǵattanarlyq» nemese barlyq jattyǵýlardy oryndaǵany úshin oń baǵalar (onyń ishinde olardyń keminde bireýi «jaqsy» degen baǵadan tómen emes) bolyp, bir baǵasy «qanaǵattanarlyqsyz» bolsa.

Buıryq Qazaqstan Respýblıkasynyń Ádilet mınıstrliginde 2013 jylǵy 4 aqpanda Normatıvtik quqyqtyq kesimderdi memlekettik tirkeýdiń tizilimine № 8211 bolyp engizildi