Taldyqorǵanda óńirlik kásipkerler palatasynyń uıymdastarýymen «Biryńǵaı esep berý kúni» ótti.
«Biryńǵaı esep kúniniń» maqsaty baqylaý jáne qadaǵalaý qyzmetin reformalaý aıasynda júzege asatyn sharalardy túsindirý men kásipkerlerdiń quqyqtyq saýattylyǵyn arttyrý bolyp otyr. Alǵashqy sharaǵa oblystyq prokýratýra, jergilikti polısııa qyzmeti, kóshi-qon polısııasy, memlekettik kirister departamenti, ekologııa departamenti, tótenshe jaǵdaılar departamenti, tabıǵı monopolııalardy retteý, básekelestikti jáne tutynýshylardyń quqyqtaryn qorǵaý departamenti, eńbek ınspeksııasy sııaqty memelkettik qyzmet kórsetetin mekemelerdiń ókilderi kelip, qajetti keńes berdi.
Kásipkerler tarapynan jerdi paıdalaný men qorǵaýǵa jáne sáýlet-qurylys baqylaýy ınspeksııasy barysynda jıi kezdesetin zań buzýshylyqtar týraly saýaldar qoıyldy.
-Kezdesý barysynda baqylaý jáne qadaǵalaý organdarynyń qyzmetkerleri kásipkerlermen áńgimelesip, memlekettik baqylaý men qadaǵalaýdyń nátıjelerin talqylady jáne olardyń pikirlerin tyńdady. Bul el Prezıdenti Qasym-Jomart Toqaevtyń halyqqa arnaǵan Joldaýynda júktelgen mindetterdi júzege asyrýǵa oraı qolǵa alǵan sharamyz. Keleshekte memleket pen bıznestiń keri baılanysyn qalyptastyrý maqsatynda esep berý kúnderi jıi ótip turmaq, - deıdi Almaty oblystyq óńirlik kásipkerler palatasynyń baspasóz hatshysy Erlan Ramazanov.