Elordada bastapqy kásipodaq uıymdarynyń «Qaýipsiz kásiporyn – deni saý jumysshy» forýmy ótti dep habarlaıdy elorda ákimdiginiń resmı saıty.
Búgingi kúni óndiristegi qaıǵyly oqıǵalardyń saldarynan bolatyn ólim-jitim álemde júrek-qan tamyrlary jáne onkologııalyq aýrýlardan soń úshinshi orynda tur.
Forým óndiristik jaraqat, kásibı aýrý-syrqat pen jumys ornynda bolatyn ólim-jitim kórsetkishin azaıtyp, eńbek qaýipsizdigi men jumysshynyń densaýlyǵyn jaqsartý boıynsha tıimdi suhbat alańyna aınaldy. Forýmǵa Kásipodaqtar federasııasynyń basshylary, áleýmettik seriktester, bastapqy kásipodaqtar uıymy, halyqaralyq uıymdardyń ókilderi, memlekettik organdar men kommersııalyq emes uıymdardyń ókilderi, eńbek qaýipsizigi jónindegi sarapshylar men ǵalymdar qatysty.
Buǵan qosa, forým kezinde Qazaqstanda kásipodaq qozǵalysyn damytýǵa úles qosqan elordanyń kásipodaq belsendileri marapattaldy. Shara sońynda qatysýshylar rezolıýsııa qabyldady.
Aıta keteıik, atalǵan forýmdy bıyl 10 qazanda elimizde alǵash ret atalyp ótiletin Kásipodaqtar kúni qarsańynda Nur-Sultan qalasynyń Qoǵamdyq damý isteri basqarmasy men elordanyń Kásipodaqtar ortalyǵy uıymdastyrdy.