Nur-Sultan qalasy Trıatlon parkinde «Jas sarbaz» respýblıkalyq áskerı-patrıottyq qozǵalysynyń tárbıelenýshileri arasynda 4 jáne 8 shaqyrymǵa júgirýden jarys ótti dep habarlaıdy elorda ákimdiginiń resmı saıty.
Jarys Jastar jyly aıasynda «Astana jastary» resýrstyq ortalyǵy jáne Nur-Sultan qalasy Qorǵanys isteri departamentiniń qoldaýymen uıymdastyryldy.
Jarys eki qashyqtyqta: 4 jáne 8 shaqyrymǵa júgirýden ótkizildi. Úzdik kórsetkishke jetken «Jas sarbaz» tárbıelenýshilerine baǵaly syılyqtar: qolsaǵattar, pover bank – mobıldik akkýmýlıatorlar berildi. Jarysqa 400-den astam oqýshy qatysty.
«Osyndaı is-sharalar ósip kele jatqan jas urpaqty shynyqtyryp, densaýlyqtaryn nyǵaıtyp, tózimdiligin arttyryp, jastarymyzdy – elimizdiń patrıottaryn shyńdaı túsýge kóp kómegi tıedi. Qazirgi HHI ǵasyrdaǵy gadjetterge táýeldi bolyp úıden shyqpaıtyn oqýshylardy da shıratýǵa paıdasy mol», – deıdi respýblıkalyq «Jas sarbaz» áskerı-patrıottyq qozǵalysynyń Nur-Sultan qalasy boıynsha fılıalynyń jetekshisi Ashat Nalshybek.