Bul týraly Qazaqstannyń Tuńǵysh Prezıdenti - Elbasy Nursultan Nazarbaevtyń baspasóz qyzmeti habarlady.
«Elbasy óńirlik BAQ ókilderine arnalǵan jumys bólmelerin aralap kórdi. Qazaqstannyń Tuńǵysh Prezıdenti qaladaǵy jańa nysandardyń qurylys qarqyny joǵary ekenin atap ótti.
-Shymkent mıllıon turǵyny bar qalaǵa aınaldy. Osyǵan oraı biz jeke Túrkistan oblysyn qurdyq. Bul kópten beri oıymda júrgen edi. Osylaısha biz úlken qurylys bastadyq. Munyń bári astanamyzdyń qurylysyn eske túsiredi. Endi elimizdiń ońtústiginde taǵy bir ádemi shahar boı kóterip keledi. Osynyń barlyǵy el ıgiligi úshin jasalyp jatyr, - dedi Nursultan Nazarbaev óńirlik BAQ ókilderine», delingen habarlamada.