Elbasynyń bıylǵy Joldaýynda alys eldi mekenderdegi avtojoldar men mektep, aýrýhana, mádenıet pen sport, halyqqa qyzmet kórsetetin nysandardy jóndeýdiń mańyzdylyǵy atap kórsetilip, mundaı asa mańyzdy jumystyń tuńǵysh ret qolǵa alynǵany aıtylǵan-dy. Halyq ol úshin rıza, ári erteńgi kúnderine degen senimderin nyǵaıtýǵa tolyq negiz bar.
Osyndaı jaıdarman jańalyq naýryzdyń alǵashqy onkúndiginde Jambyl aýdanyndaǵy Aqqaınar aýylynda jalǵasyp, poshta ǵımaraty paıdalanýǵa berildi. Shaǵyn aýyl turǵyndary budan bylaı ǵalamtor arqyly baılanysqa shyǵyp, zeınetaqy, hat-habar alýlaryna, aqsha aýdarýdyń basqa da banktik operasııalaryn oryndaýlaryna múmkindik jasaldy. Jańa jobada salynǵan ǵımarattyń ashylý rásimine respýblıkalyq “Qazpochta” aksıonerlik qoǵamynyń prezıdenti Dáýren Moldaǵalıev qatysyp, budan bylaı poshta qyzmeti de HHI ǵasyrdyń halqyna joǵary suranyspen qyzmet kórsetetinine toqtaldy. Sońǵy eki jylda jańa jobada salynǵan osyndaı halyqqa qyzmet kórsetetin mańyzdy áleýmettik nysan qatary oblysta 80-ge jýyqtapty. Atalǵan aýdanda ǵana segiz poshta ǵımaraty jańarǵan eken. Osy jıynǵa qatysqan Qastek, Suranshy batyr, taǵy basqa aýyldardan kelgender de poshta qyzmetiniń jaqsaratynyna degen senimderin bildirdi.
О́ńirdegi “Qazpochta” aksıonerlik qoǵamynyń basshylyǵy jıi aýysyp, munyń ózi halyqqa kórsetiletin qyzmetke de áserin tıgizgenin aıtqan jón. Atalǵan basqarmanyń jańa basshysy Bınalı Ysqaq tájirıbeli maman ári qarjy salasynyń bilgiri sanalǵandyqtan jetisýlyqtarǵa áleýmettik qyzmet kórsetetin saladaǵy jumys jandandyrylyp, tártip pen talapty búgingi ýaqytpen úndes júrgizýge bet burǵanyn da kópshilik sezinýde. Ásirese, halyqtyń kúndelikti basylymdardy ýaqytyly alýyna qol jetkizilgeni qýanyshty. Basqa da qyzmet túrleriniń sapasy nyǵaıýda.
Aqqaınarlyqtar atynan eńbek ardageri Turysjan Tuńǵatarov, aýdan ákiminiń orynbasary Jandarbek Dalabaev, Qazaq ulttyq agrarlyq ýnıversıtetiniń apparat basshysy Manarbek Izbasarov, taǵy basqalar jaǵymdy jańalyqpen aýyl halqyn quttyqtady. Aýyl halqy bul kúndi merekege aınaldyrsa, ájeler shashý shashyp, ónerpazdar ónerlerin kórsetti.
Kúmisjan BAIJAN.
Almaty oblysy.