Erteń elordadaǵy Ulttyq arhıv Prezıdent Arhıvi jáne Ulttyq akademııalyq kitaphanamen birlesip Tuńǵysh Prezıdent kúnine oraı «Elin súıgen Elbasy» atty kórme ótkizedi.
Kórmede Ulttyq Arhıv jáne Prezıdent Arhıviniń qorynan Ult kóshbasshysynyń ómirbaıany men shyǵarmashylyq joly, Qazaqstan Táýelsizdigine qol jetkizýi jáne damýy jolyndaǵy qujattary men jazǵan kitaptary jáne Prezıdent týraly jazǵan avtorlardyń kitaptary usynylady.
Is-sharanyń basty maqsaty – «Máńgilik el» jalpyulttyq patrıottyq ıdeıasy aıasynda qazaqstandyq qundylyqtardy kórsetý, Táýelsiz Qazaqstannyń qurylýy men qalyptasýynda Prezıdenttiń rólin kórsetý jáne de jastardy patrıottyq sezimge tárbıeleý.
Kórmege Mádenıet jáne sport mınıstrliginiń ókilderi, Qazaqstan Respýblıkasy Parlamentiniń depýtattary, belgili qoǵam jáne mádenıet qaıratkerleri, magıstranttar men stýdentter qatysady dep kútilýde.