Almatyda jyl basynan beri 791,6 mlrd. teńgeniń ónimderi óndirilip, qyzmeti kórsetildi. Sonymen qatar, saldolanǵan qarjylyq nátıje 136,7 mlrd. teńge somasyndaǵy tabys retinde anyqtalsa, paıdalylyq deńgeıi 10,3 paıyzdy qurady.
Pavlodar oblysynda «Juldyzdy Jasybaı» atty retro festıval ótti. Jyldaǵysha Baıanaýyl jerinde kerýen kergen óner merekesinde Tamara Asar, Merýert Túsipbaeva, Ramazan Stamǵazıev, Janar Aıjanova, Janna Orynbasarova syndy estrada juldyzdary men «Jigitter», «Alashuly», «KZ» toptary Jaıaý Musanyń, Maıranyń, Estaıdyń, Isa Baızaqovtyń ánderin shyrqady.
Shyǵys Qazaqstannyń týrıstik nysandarynda avtomobıl joldary jóndelýde. Byltyr 11 baǵyt boıynsha qolǵa alynǵan avtomobıl joldaryna jóndeý jumystary «Tańsyq beketi - Qozy Kórpesh-Baıan Sulý» jolynyń qurylysynan bastaldy. Merdigerler kelesi jyly osy joldy paıdalanýǵa bermekshi.
Jazýshy Oralhan Bókeıdiń tańdamaly shyǵarmalar jınaǵy shyqty. Bıyl qarymdy qalamgerdiń týǵanyna 70 tolýyna arnap shyǵarylǵan bul kitaptyń tusaýkeseri Almatyda 23 shilde kúni Ulttyq kitaphanada ótedi.
Qostanaı oblysynda «Jumyspen qamtý-2020» baǵdarlamasy aıasynda 360 mln. teńge shaǵyn nesıe berildi. Bul – 2012 jylǵa qaraǵanda, 225 mln. teńgege artyq. 2013 jyldyń 1shildesinde 173 shaǵyn nesıege 310 mln. teńge bólingen. Qazirgi tańda qarjylaı qoldaý qory 399 mln. teńgeniń ótinimin maquldaǵan.
Arheologtar Tarazdaǵy eski bazardyń ornynan kóne shahardyń mádenı ortalyǵyn tapty. Eki jyldan beri júrip jatqan jumystar barysynda bul jerden shyqqan jádigerlerdiń HI-HII ǵasyrlardaǵy qarahanıdter dáýirine tán ekeni de anyqtaldy.
Atyraýda patshabalyq shabaqtary sý qoımalaryna jiberildi. Barlyǵy salmaǵy men boıy qajet dárejege jetken 10 myń shabaq shyǵaryldy. Toǵan sharýashylyǵyn qurýǵa arnalǵan jabyq sıkl ınvestısııalary 75 mln. teńgeni quraıdy.
«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.