Búgingi tańda respýblıkamyzdyń 108 jekemenshik mektebinde 30 myńnan astam orynǵa memlekettik bilim berý tapsyrysy ornalastyryldy. Bul týraly Bilim jáne ǵylym mınıstrligi habarlady.
Jan basyna shaqqandaǵy qarjylandyrý tetigi engizilgeli beri qysqa ýaqyttiń ishinde 70 jekemenshik mektep ashyldy. Sońǵy 10 jylda bıyl jekemenshik mektepter kóbirek ashyldy.
Sonymen qatar, 2020-2021 jyldary 90-nan astam jekemenshik mektep ashylady dep kútilýde.
Jekemenshik mektepterde memlekettik bilim berý tapsyrysyn ornalastyrýdyń maqsaty - oqýshy oryndarynyń tapshylyǵyn qysqartý, jeke menshik mektepter jelisin keńeıtý, jańa ozyq pedagogıkalyq ádistemeler men bilim berý baǵdarlamalaryn engizý jáne oqýshylardy qosymsha bilimmen qamtý.
Memlekettik bilim berý tapsyrysyn alýǵa jańadan ashylǵan barlyq jekemenshik mektepter úmitker bola alady.
Sonymen qosa, jekemenshik mektepter qurylys jáne rekosntrýksııa jasaý jolymen ashylǵan jaǵdaıda ınvestısııalyq shyǵyndardy óteýge múmkindik beretin ulǵaıtylǵan mólsher tólenedi.