Qaraǵandyda «Bolashaq» ýnıversıteti shákirtterine sapaly bilim alýmen birge, óner jáne sportpen shuǵyldanýǵa jaqsy jaǵdaı jasalǵan. Sonyń arqasynda óz joǵary oqý oryndarynyń mereıin ósirýshi talapty jastar kóptep sanalady. Solardyń biri Beıimbet Qanjanov Qazan Ýnıversıadasynda sambo kúresinen 52 kg. salmaq dárejesinde kúmis júldeger atanyp, zamandastary ortasyna oljaly oraldy. Ony ýnıversıtettiń rektory Qural Meńlibaev bastaǵan top poıyzdan qarsy alyp, jeńisimen quttyqtady.
Ekonomıka fakýltetiniń 2-shi kýrsynda oqıtyn Beıimbet sporttyń bul túrimen birneshe jyldan beri shuǵyldanyp keledi. Osy ýaqytta ol birqatar iri halyqaralyq jarystardyń jeńimpazy atanyp úlgerdi. «Bolashaq» maqtanyshynyń budan da bıik belesterge kóterilýge múmkindigi bar. Ol kele salysymen daıyndyqqa kirisip ketti.
Aıqyn NESIPBAI,
«Egemen Qazaqstan».
Qaraǵandy.