Reseı estradasynyń belgili juldyzy Dıana Gýrskaıa jaqynda 35-shi týǵan kúnin toılady. Ánshi týǵan kúnin «Pýst govorıat» baǵdarlamasynyń efırinde ótkizdi. Stýdııada juldyzdyń týǵan-týystary men jaqyn dostary jınaldy.
Baǵdarlama barysynda qorǵaýshy bolyp qyzmet etetin Dıananyń kúıeýi Petr Kýcherenko otbasylyq ómirlerindegi kútpegen jańalyqty jaıyp saldy. «Dıana óte názik bolyp kórinedi. Alaıda, ómirde ol ondaı emes. Onyń grýzınderge tıesili qyzý minezi bar. Úıde onyń jıi-jıi qyzǵanshaqtyq tanytyp, qatty ursyp tastaıtyn kezderi de bolady», – deıdi Kýcherenko.
Dıana men Petrdiń uldary ómirge kelgen soń, olardyń qarym-qatynastary qıyndaı túsken eken. Petr basynda mundaı jaýapkershilikke daıyn bolmaǵan kórinedi. Ýaqyt óte kele onyń ákelik sezimi oıanyp, qazirgi ýaqytta ol taǵy da balaly bolǵysy keletinin aıtady.
Aıdar О́risbaev.