Osy kúnderi Astanada tennısten Qazaqstan Respýblıkasynyń Prezıdent kýbogy jolynda ótip jatqan dástúrli halyqaralyq týrnırde Andreı Golýbev pen Mıhaıl Kýkýshkın jartylaı fınalǵa shyqty.
Golýbev túrik tennısshisi Marsel Elhandy eki sette 7:6 jáne 6:4 esepterimen utsa, bizdiń týrnırdegi taǵy bir úmitimiz Mıhaıl Kýkýshkın shırek fınalda reseılik Teımýraz Gabashvılıdi 6:4, 6:3 etip jeńip, jartylaı fınalǵa joldama aldy. Budan basqa, ýkraınalyq Ivan Sergeevti utqan ızraıldik Dýdı Sela da jartylaı fınalǵa shyqty. Onyń qarsylasy reseılik Konstantın Kravchýk pen belorýs Dmıtrıı Jırmonttyń arasynda ótetin kezdesýde anyqtalady. Al juptyq kezdesýde ekeýi jartylaı fınalda reseı-ýkraınalyq Aleksandr Kýdrıavsev jáne Ivan Sergeev dýetimen synǵa túsedi. Buǵan deıin fınalǵa qos ıtalıandyq tennısshi joldama alǵan bolatyn. Eger otandastarymyz qarsylastaryn jeńse, onda fınalda Rıkardo Gedın men Klaýdıo Grassımen kúsh synasady. Al qyzdar, ókinishke qaraı, bizdi jeńisterimen áli qýanta almaı otyr. Týrnırdegi basty úmitimiz Ksenııa Pervak birinshi kezeńnen asa almaı, fransýz qyzy Alıza Lımge ese jiberdi.
Týrnır 28 shildege deıin jalǵasady. Onyń júlde qory 225 myń AQSh dollary. Jeńimpazǵa sonyń 18 myń AQSh dollary beriledi.