Jaqynda Portýgalııanyń Lıssabon qalasynda mýaıtaıdan ótken Eýropa chempıonatynda otandastarymyz Vadım Loparev pen Elaman Saıasatov bas júldeni jeńip aldy.
Bul básekede bizdiń jigitter 5 júldeni ıelendi. Sonyń ishinde Elaman degen atyraýlyq jas jigit jastar arasynda 45 kılo salmaqqa deıingi synda chempıon atansa, taǵy úsh jigitimiz kúmis júldege ıe boldy. Olar – Abylaı Quralbaev (48 kg), Raıymbek Sembek (60 kg) jáne Oljas Qalıjan (71 kg). Al eresekter arasynda Vadım 75 kıloǵa deıingiler básekesinde aldyna jan salǵan joq. Budan basqa onyń tórt áriptesi kúmis júldeger atandy. Ishan Ǵalıev (54 kg), Aman Qabdollaev (57 kg), Tahır Agıshev (63,5 kg) pen Rústem Aqjanov (71 kg) kúmis júldemen kúptelse, 67 kılo salmaqqa deıingiler jarysynda Rústem Áshimbaev qola medaldi qanaǵat tutty. Esterińizge sala ketsek, Aman Qabdollaev degen jigitimiz byltyr da jastar arasynda ótken álem chempıonatynda kúmis júldeger atanǵan bolatyn.
Dastan KENJALIN,
«Egemen Qazaqstan».