«Jaqynda «Qazaqstan» ulttyq arnasynda jańa telejoba – «Qazaqstan daýysy» efırge jol tartady», dep habarlady «Qazaqstan AQ» respýblıkalyq tele-radıo kesheniniń baspasóz qyzmeti. Bul televızııalyq shoý alǵash ret Nıderlandtyń RTL4 telearnasynda «The Voice of Holland» degen atpen jaryqqa shyqqan eken. Álemniń birneshe eline tarap, kópshiliktiń yqylasyna bólengen telejoba búginde qazaq án álemine kelip jetti. Tyń jobanyń basty maqsaty – el arasynda júrgen asqaq daýysty, jeztańdaı ánshilerdiń arasynan eń myqty degen daýys ıesin anyqtaý.
«Qazaqstan daýysy» – bul kisiniń kelbetine, basqa da qasıetterine múlde mán bermeıtin, tek qana daýys ereksheligi baǵalanatyn tyń teledýman bolmaq. Elimizdiń túkpir-túkpirinen keletin jas ánshilerdi quramynda M.Arynbaev, N.Alban, A.Kishkenbaev, M.Sádýaqasova bar tálimgerler toby irikteıdi. «Kórmeı tyńdaý» kezeńinen súrinbeı ótken qatysýshylar atalǵan tórt tanymal ánshiniń biriniń qamqorlyǵyna bólenip, olardyń sheberlik mektepterinde tájirıbe almasyp, solarmen birge tikeleı efırde óner kórsetý múmkindigine de ıe bolady. Biraq, atalmysh kezeńge jetý ońaı emes sııaqty. Sebebi, bul kezeńniń sharttary atyna saı bolmaq. «Kórmeı tyńdaý» synynda úmitker sahnaǵa bettegen boıda tórt ánshige arnaıy daıyndalǵan oryndyqtar birden keri burylady. Úmitker tálimgerdi tánti etken jaǵdaıda ǵana tanymal ánshilerdiń júzin kóre alady. Iаǵnı, qatysýshynyń daýysy tálimgerlerdiń birine unasa, olar «Men seni tańdaımyn» degen tetikti basady jáne sol kezde oryndyq sahnaǵa qaraı burylady eken. Tetikti basqannan keıin keri sheginer jol joq! Mine, baıqaý osylaısha óte ádil túrde ótip, qazaqstandyq úzdik daýys ıesi anyqtalmaq.
Nurzada KÚMISBEK,
L.N. Gýmılev atyndaǵy
Eýrazııa Ulttyq ýnıversıtetiniń stýdenti.