Nar tulǵa
Kók teńizden nesibesin terip ósken Aral mańynyń balalary úshin balyqshylyqtan artyq kásip joq. Ol surapyl daýylda tolqynmen alysady, ushy-qıyry joq kók aıdynǵa júreksinbeı attanady. Azapty sapardan oralǵan soń endi qaıtyp sý kórmeı ketetin shyǵar deısiń. Joq, tań alageýimnen qara qaıyqtyń azynasyna taǵy da jaıǵasady. Ony aıtasyń, aıadaı aýylda jaǵalaýdan bólingen muz ústinde yqpaǵan balyqshy joq. Araldyń leksıkonynda «Teńizge yqpaǵan balyqshy balyqshy ma?» degen ataly sóz bar. Sondyqtan olar seniń kóz aldyńda erteginiń qas batyrlaryndaı bolyp elesteıdi.
Nar tulǵa
Kók teńizden nesibesin terip ósken Aral mańynyń balalary úshin balyqshylyqtan artyq kásip joq. Ol surapyl daýylda tolqynmen alysady, ushy-qıyry joq kók aıdynǵa júreksinbeı attanady. Azapty sapardan oralǵan soń endi qaıtyp sý kórmeı ketetin shyǵar deısiń. Joq, tań alageýimnen qara qaıyqtyń azynasyna taǵy da jaıǵasady. Ony aıtasyń, aıadaı aýylda jaǵalaýdan bólingen muz ústinde yqpaǵan balyqshy joq. Araldyń leksıkonynda «Teńizge yqpaǵan balyqshy balyqshy ma?» degen ataly sóz bar. Sondyqtan olar seniń kóz aldyńda erteginiń qas batyrlaryndaı bolyp elesteıdi.
Biraq balyqshynyń da balyqshysy bar. Olardyń da qatarlysy men qaharlysy, batyly men jasyǵy jetip artylady. Aıdyndy Araldyń búkil balyqshysy bedelsiz bolǵan joq. Alaıda, solardyń ishinde esimi elge keń tanylǵan maıtalman úsh balyqshynyń tulǵasy aıryqsha daralanyp turatyn. Olar – keńestik júıeniń búkil orden-medalin balyqsha súzip alǵan bógendik Bapan Kemalov, respýblıkanyń Joǵarǵy Keńesiniń eki márte depýtaty bolǵan qaratereńdik Dúısenbi Qalabaev, Qazaqstannyń Memlekettik syılyǵynyń laýreaty, aqespelik Narǵalı Demeýov edi. Osy úsheýi Aral mańyndaǵy úsh aýyldyń – Bógenniń, Qaratereńniń, Aqespeniń atyn elge keńinen tanytty.
Búgingi bizdiń áńgimemizdiń keıipkeri bolyp otyrǵan qarshadaı kezinen eńbek maıdanynda kózge túsip, naǵyz qas batyrlarsha ter tókken, Araldyń ataqty balyqshysy Narǵalı Demeýov – qajyrly eńbek qaharmany.
Keshegi ekinshi dúnıejúzilik soǵystyń zardabyn árbir qazaq otbasy tartqany belgili. On jastan on birge qaraǵan shaǵynda ákesi Demeý eńbek armııasyna alynyp, shańyraqty asyraý mindeti qarshadaı balanyń moınyna artylady. Eshkimge jalynbaı-aq ákeniń aý-quralymen bir asym balyq úshin alǵashynda anasymen birge, keıinnen jalǵyz ózi teńizge shyǵyp, ómirdiń ashy-tushysyn tata bastaıdy. Alǵashqy aýǵa túsken bir asym balyq úıdegi anasy men ash qursaq ini-qaryndastaryn ashtyqtan qutqarady. Sol kúni ol ózin alǵashqy jekpe-jekte jaýyn jeńgen batyrdaı sezinedi. Kóp uzamaı balyqshylar brıgadasyna alynyp, memlekettik tapsyrmany oryndaýǵa kirisedi. Sol kezde onyń jasy bar bolǵany 13-te bolatyn. Qasynda aqylshy, kópti kórgen, tájirıbeli balyqshylar bar edi. Narǵalı aǵamyz olardyń aıtqanyn eki etpeı oryndap, balyq aýlaýdyń qyry men syryn úırenip, aqyl-keńesterin qulaǵyna quıyp, tájirıbe jınaıdy. Odan ári ysyla túsedi.
Naǵyz qas batyr qaı maıdanda da birden batyr bolyp ketpeıdi. Batyr bolyp birte-birte qalyptasady. Soǵys jyldary tyldaǵy eńbek maıdanynyń otyn qyzdyrǵan Narǵalı aǵamyzdyń Uly Jeńiske qosqan úlesi mol. Sonyń aıǵaǵy retinde ókimet ony on tórt jasynda «Tyldaǵy eńbegi úshin» medalimen marapattady. Ataqty balyqshynyń bul medali onyń bolashaq medaldary men ordenderiniń, ataq pen syılyqtarynyń bastamasy boldy.
Araldyń aqıyǵy
Bala kezinen ózine artylǵan jaýapkershilikti jete sezingen ol ony búkil ǵumyr boıy tý etip ustady. Alǵash ret oǵan ujym mynadaı tapsyrma júkteıdi. Ol kezde jasy 13-te edi. Balyqshylar brıgadasy aýyldan 35 shaqyrym jerde kúndelikti kásibimen aınalysyp jatady. Bir kúni brıgadıri Qýandyq Eshnııazov qatty aýyryp, ornynan tura almaı jatyp qalady. Soǵystyń kezi. Balyqshylar brıgadasynda medpýnkt, dáriger degender atymen joq. Balyq aýlaýdy toqtatýǵa bolmaıdy. Úlkender jaǵy aqyldasa kele brıgadırdi 35 shaqyrym jerdegi aýyl medp